تعب فكرك. لـ محمد بن طواله

تعب فكرك - محمد بن طواله

اهيم وادري هيامي متعبن فكرك
ياللي ولو طلت ماتاصل طرف فكري 

ماهو بتقليل في ذاتك وفي شعرك
ولاهو غرور وتعالي في نمط شعري

بس اكتفي في كلام الناس في نشرك
وارجع واكافي كلام الناس في نشري 

ادري وتدري كلامي مضيقن صدرك
والكل يدري كلامك متعبن صدري

من لام شاعر توهج قلبه بعطرك
ومن لام عطرك يغطي بريحته عطري

غصب التشوّق لشوف الشي يختبرك
وغصب الشفايه تقول لعينك اختبري

ياضالمه صاحبك ماهو على خبرك
وادري بعد مابقيتي اليوم في خبري 

تغيرت كل نضره فيك ياكبرك
وانا بعد ماكبرت اليوم ياكبري 

كثير قالو غرورك كاسرن جبرك 
وادري غروري يزيد الجبر في جبري

مايوم بان الغرور بعالمي صبرك
لانك غروري وباح بشوفتك صبري

من شفت نضرت عيونك زاد بي شبرك
ومن شفت بسمت سنونك طايلن شبري

ابي غروري وابي كل شي لو حبرك
ياحلو يومن يوفق حبرك بحبري

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.