الطرقا. لـ محمد بن طواله

الطرقا - محمد بن طواله

يافوح قلبي عليها الجادل الطرقا
الي عليها الخفوق يلوفه الشوقي

ريف الجمال المدلل شيختن عنقا
اللي ذبحني هواها وشدد سبوقي

بعيونها واجد اللي داخله غرقا
بحر الحلا والجمال وشيخة الذوقي

مجدول ليلن تدلا وغرتن تبقا
شغلن لها بالحياة تداعب الموقي

لا شفتها بالنهار اقول وش يبقا
للشمس نوره تزايد كسر السوقي

وبتالي الليل شوفه يقتل الرمقا
حتى القمر من جماله غاب مطبوقي

ياتل قلبي عليها والضمى سبقا
عدا ضمايه عليها ضامي النوقي

واسلم وسلم على هالجادل الطرقا
قله محمد يقول الضيم طاروقي

والله يستر عليك وجعلها تلقا
منك شفاتك ضحوك وسعد وبروقي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.