الله من همٍ بحالي صفقها
صفقة جناح الليّ جوى عقب ميقاع
همٍٍ بحالي يا محمد سرقها
خلى حوالي بين ملحم وقطاع
الصبر والكتمان روحي حرقها
والصبر لنه طال يبلا بالاوجاع
امزونٍ تقافا ما عرفنا حققها
واصبحت مثل مخمن الدرب لا ضاع
عيني ما حطت رمشها (ع)حدقها
والقلب من كثر الهواجيس زواع
ربي حرم ناسٍ وتاس رزقها
والحظ لنه نام مافيه مفزاع
واجبت عليه بهذه القصيده:
سر يا قلم ٍ واكتب على ابيض ورقها
من قلب لاشاري ولاهو ببياع
ساير دروب اهل الهوى واعتنقها
اخذ بها مصيف ومشتى ومرباع
واليوم لو شاف الضباء ما لحقها
لو عارضنه من على قرب ماانصاع
لليّ مجودحبلها ما طلقها
تسرح من الضلع الموالي الى القاع
ابوسويلم يوم يده طرقها
لي يشتكي حب اريش العين ملتاع
ماهي من الليّ كل حي ٍعلقها
ومن دونها قومٍ لهم سلووسناع
عدوانهم تيبس لك الله ريقها
يقفوا مشاريد معاطيش وجياع
قله ترى الاحداث يا ما سبقها
من قبلنا ناسٍ لهم بالهوى باع
راع الهوى خطو البني لاعشقها
لو كان قلبه من قوي الصخر ماع
هون على نفس العنا لاتعقها
ولابد من تغيير الاوضاع بوضاع
والشجره الخضراء يظلل ورقها
والشيح طلعه شيح ماهو بنعناع
وصلاة ربي عد ناس ٍ خلقها
على رسولٍ للمخاليق شفاع
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.