يا مرحبا واعداد ما هاض براق
واسقت مزونه عالياتٍ مفاليه
واعداد ما خط القلم فوق الاوراق
والليّّّ كتب لي خط واللي مشى فيه
ساعة عرفت الخط مرسل من شواق
انشال عن قلبي عذابٍ يقاسيه
لو قلت لك خطك جبر خاطرٍ ضاق
لالا تقول اني مجامل برديه
لا والذي للناس محصي ورزاق
انه فلا غيرك وليفٍ مصافيه
رغم العنا والصد عشوفك اشتاق
ورغم الكلام الليّ بخطك كتبتيه
ياابوبجاد ارجوك هل قال مالاق
يقول غير اسكن بحيٍ سكن فيه
ولا هوانا يصيرتشتيت وفراق
يرضيك اروح عن دوامي واخليه
ابغى تنورني ترى القلب منعاق
واحرص تقول انساه والقلب يغليه
وصلاة ربي عد ماوايقٍ واق
على نبي ٍ كلنا نهتدي فيه
واجبت عليه بهذه القصيده:
يا مرحبا ترحيبةٍ تشرق اشراق
ترحيب ٍ حالي كاالعسل من مجانيه
ترحيب من قلبِ مودٍِ ومشتاق
للشاعر الليّ خصني في معانيه
عبدالله الليّ باني البيت برواق
يعرف مواقع حد بيته ويبنيه
يشكي عليه حب مدموجة الساق
ريميةٍ صوت القنص ما تدانيه
الجادل الليّ محرقٍ قلبك احراق
من شانها سويت قافٍ تغنيه
والحب ما هو بينكم مغلق اغلاق
سالم من الليّ كل علمٍ يوديه
ماله عمل غير النميمه والانفاق
جيعان كبد يدور الليّ يعشيه
والليّ يبي الزينات ما يدق ادناق
لازم يهيم وكل وادي يلقيه
يابن محمد يوم فكرك لها راق
الليّ علينا من اتلاتك نعديه
واجب عليتا نجيك برجال وسياق
بأية وسيله غير عمك نرضيه
لمشي معك وادش غبات الاعماق
وبفدرة الله لعطي الحق راعيه
واقبل تحية صاحبٍ فيك ما باق
يعرف هدفه الليّ يبى يقوم يرميه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.