سلام لك عد النجوم الرقيبه
واعداد مابالكون نازل ورحال
يالصاحب الليّ دايمٍ ننتخي به
له موقف ٍمايآقفه كل رجال
نسل الرجاجيل الكرام العريبه
علومهم فيمامضى تطرب البال
من بعدها قلبي تزايد لهيبه
والنار في جوف الحشى تشعل شعال
ياابوبجاد الحال مني تعيبه
كل البلاء من هرجة القيل القال
اشوف فاالدنيا امورٍغريبه
راح الوفاء والبيت به جملة اقفال
فيني ابو نواف اجاز المصيبه
اسند لي يا محمد علومً ما تنقال
ومادام شخصك يامحمد قريبه
قله ترى ماله من العلم مثقال
كنه يريد الطيب كلٍ دريبه
والامرواضح دون تجواب وسؤال
ودام الامل موجود نكسب كسيبه
من ربعةٍ ما قد بهم خابت آمال
وصلاة ربي عد من زار طيبه
على النبي الهاشمي زين الاعمال
والرد/
يامرحبا ترحيب مافيه ريبه
من خالص الوجدان ياطيب الفال
وان جيت ابا اعد الرجال العطيبه
وليا فعول اهل الوفاء منك تنهال
ياالصاحب الليٍّ ماشكيت الحبيبه
تشكي من صدوف الليالي والاهوال
لاباس والدنيا بعيده قريبه
تقفي وتقبل كل يوم ٍ لها حال
تبدي لك البسمه ونوبٍ غضيبه
ماتنومن غراتها تهذل اهذال
منها الولد ياما كسى الراس شيبه
متنوعه بهوالها اخفاف وثقال
من حيث ابو نواف دوم اعتزيبه
شرواك لكن الحدث خلفه ازوال
وراه شمرمع بدايدعتيبه
والكل منهم يعدل الحق لامال
وان كان تبغى مال جيبي وجيبه
واحد ولا هرج القفى بيناحال
والحب يبذر باالبلاد الخصيبه
وانته نثرت الحب في قاع بطال
كم واحدٍ حسن النوايا تغدي به
وياما بهاالموضوع قال المثل قال
هذي على ما قيل وسط الحقيبه
والثانيه لا تعترضها بلا عقال
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.