ياغايبه لاتحسبين إن الجفا عين الصواب
عين الصواب إنه جفاك مهملٍ قلبي صويب
حاولت أبرر طيب قلبي لك.. ركنتيني غياب
قمت وركنت الناس..والإحساس..مافكرت أغيب
ليلٍ يودي يم قلبك صارت دروبه خراب
مشطته بحنا الرجوع وماصبغ حناي شيب
يادرع قلبي مابقالي لاكلام ولا كتاب
واللي تحدر من سمان الهرج فاض به الشعيب
ألمح عيونك في صفايه من على متن السحاب
وأقول بكره تمطريني وصل..وأروابك نصيب
لاماامطرت غيبتك غير آهات..وأوجاع ..وعذاب
حسيتي بليل الجفا وشلون إحساسه كئيب
ذقتي مرار الصد لامن جاك من ناسٍ قراب
إستخسروا في شيمة إحساسك ولو كلمة
طاحت دموعك لو للحظة شوق مربها مصاب
جمعتي جروحك بلحظة جوع لكن لا مجيب
لامابكيتيني؟؟ .. بكيتك لين ظني فيك خاب
لاماشكيتيني؟؟.. شكيتك ليش ظني بك يخيب
ليش أكتبك أوطان وأنتي تكتبيني إغتراب؟؟
فجيت صدري لك وطن..ويعيش صدري بك غريب!!
لاماحشمتك غير عن ليل التجافي والعتاب
والله حشمتك عن ذياب البعد في ليل القنيب
رميت حملي عندبابك..لاحمول ولا زهاب
ودك نشب النار طيب..وإلا نطفي هالشبيب
تعبت أسوق خطاي حسره وأتّبع سوق الركاب
تعبت أسندها على ناسٍ تدور مايعيب
أيات جرحٍ فالحشا لامره النسيان طاب
إلاجفاك بلا سبب واضح .. فجرحٍ مايطيب
لاماقفلتي باب وصل..أنتي قفلتي ألف باب
إسمي وهو إسمي إلامربك حطيتي صليب
هو ليه..لني ماحسبت لميلة الدنيا حساب
ولاعرفت بشرع قلبك لافراق..ولانحيب
وإنتي بعد من ناسٍ إكرامٍ يفكون الرقاب
وشلون خانت فزعتك فيني وطاوعك الرقيب
أناتزبنتك ولابيني ولابينك حجاب
من لحظة وداعك إلى آخر نزف قلبٍ مستصيب
اما إشلعيبي عن أثر فرقاك في وجه التراب
وإلا إشلعيني من عروقك وإشبعي بالبعدطيب
بس اذكر إني ماحشمتك غير عن ليل العتاب
ولاحشمت الليل بعدك غير عن صوت القنيب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.