الفتاة الغايبة
لـ بدر بن عبدالمحسن، ، في غير مُحدد
الفتاة الغايبة - بدر بن عبدالمحسن
و سلامي .. لمن سأل عني ..أنا من أشعل .. عيون الفتاة الغايبه.. شمس بكلامي..لين تركوني الناس .. و راحوا لضي عيونها ..و رجعت نفسي طايبه.. أجرّ ظلّي ..و كان لي .. ظل ثقيل .. تعلق .. بعود نحيل ..و القلب رجل عايبه .. ترقا جبل ..ردوا سلامي .. لمن سأل ..يحيني الكلام .. قولي .. قولي أعرفك ..انت من يحمل جذوع الشجر للماء.. ولنور القمر ظلما..أنت اللي مردت القوافل .. تطلب الترحال ..و زيّنت الشمال.. نجمه .. وعلّمت الغلام .. اسمه ..لين انتهض .. رجال .. يحيني الكلام .. قولي ..في بعض الكذب .. رحمه..الوقت يمضي .. صديقتي.. والناس تمضي ..وهالحراس باقين .. على ورق هالتين ..والكوكب الفضي .. والبوح بالأحساس ..تتغير الألوان .. الا السواد .. متى السواد يمضي ..توي رفعت الأرض .. سجده .. وسبّحت له.. وحده ..و صار الرماد .. ومضي .. و كل الذنوب .. غبار ..و دموعي الأمطار ..صديقتي .. يحيني الكلام .. قولي .. لمن سأل ..أنا من اشعل عيون الفتاة الغايبه .. تيه وخجل ..لين تركوني الناس .. و رجعت نفسي .. تايبه ..من كل.. ما في الناس .. و كل ما فيني .. الا .. الكلام ..أنا..الكلام يحيني .. يحيني الكلام .. قولي ..لاجل الفتاة الغايبه .. من هالعتيم .. تعود ..وردي سلامي لمن سأل .. ان كنت أنا موجود.. موجود..و الحلم .. رجل عايبه .. ترقا جبل ..و سلامي للفتاة الغايبه ..
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.