بعد البطاء والبعد والهجر والعوق
ونار الفراق الي بقلبي كوتني
قابلتها في ليلة العيد بالسوق
من غيراواعدها ولاواعدتني
صادفتها من بين سبعين مخلوق
ناظرتها لكن ماعبرتني
قلت ارحمي حال من الحب مسروق
والسلوه الي في غيابك جفتني
ماباقي الاجلد واعظام وعروق
وجروحي الي من غيابك حوتني
قالت ودمع العين في محجرالموق
صورتك والله يوم مافارقتني
وفي كل يوم انه يزيد الك الشوق
لاكن ظروف الوقت ماطاوعتني
واني من فراقك وانا القلب محروق
لا لاتحسب ان الجروح ارحمتني
لاكن حكمني وقتي الشين بحقوق
أمي لأبن اوخيها زوجتني
وقفت مثل الي على الوجه مصفوق
بغيت اطيح ولنها ساعدتني
واكفيت وانا بين الاضلاع مشنوق
من غير اودعها ولاودعتني
جور الزمن حملني الطاق مطبوق
وهموم بقعاء كلبوها حوتني
كن السماء حول على الارض من فوق
وهي كنها سم العقارب سقتني
الناس فرحانه وانا الصدر مخنوق
عيدي دموع العين مافارقتني
عقب البطاء والبعد والهجر والعوق
من سم بقعاء علقمه ذوقتني
ياليتني مارحت ذا اليل للسوق
وياليتها في السوق ماصادفتني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.