ليلة البارحه .. ماهي بمثل الليال
عن ليال السنين الماضيه كلّها
الغلا .. والمحبه .. والعتب .. والوصال
اربعه .. كل وحده جت على حلّها
ليلة العيد .. عيدية حسين القبال
ماهقيت النجوم ف يوم آباصلّها
قال يمناك .. اخذ فنجال صفر الدلال
قلت اخذني من ظروفي ومن غلّها
كم لي ارجي ليال العيد .. يابن الحلال
ليتها فيك تجمعني ولعلّها
قال عد القصيد .. وقلت مامن مجال
الثواني تسابقني ولا افطن لّها
ولاتلوم القصايد ياجميل الخصال
ضايعه .. بين دق وصوفك وجلّها
نظْرتك تقتل اللي مايهاب الرجال
ليه !! يوم ان حدب اسْيوفك اتسلّها
تلّ قلبي بنجل ٍ دونها البين طال
وابك حتى عروقه تلّها .. تلّها
لامتى لامتى شوفك ووصلك محال
لامتى الروح شفقانه على خلّها
جعل من لامني بك يالدقاق الجلال
تخنقه عبرة الغالين.. ويهلّها
اذكرك كل ماهبت هبوب الشمال
ملّ عيني على شوفتك ياملّها
اتوجد على لاماك والحال حال
كيف..!! وانت انت روحي معك محتلّها
اقصر الرجل ماودي بقيل ٍ وقال
واتشيّم .. وكل دروبك ادلّها
دامني معك .. لابالله حبالي طوال
والمقابيل تكفى طالبك خلّها
خلّها لاتصافق بي على كل جال
خلني في قساها وانت في ظلّها
وكانه آخر لقاء ماظن فيّ احتمال
عقبك الروح قلي يالغضي من لّها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.