بعد المسافه عن الاخلاص يفصلني
والماضي اللي طلع ... من وين ياحبري ؟
تدري وش اللي مع الايام بهذلني
لاصرت أدري وأسوي نفسي ..ماأدري !!
الأمر لله ونا طيبي يخجلني !!
وبضاعتي يرتفع من سعرها شعري
زمان كنت بولا خارق تعاملني
وكل الجزيئات بانفاسك سقت عطري
نصحتك الفين مره لاتجاهلني !!؟
العود من غيرك انت ... امن الزمن مبري !!
لوكان ماشفتني حاول تخيلني ..
يمكن مع الليل تشعر في دفا .. صدري ؟
الناس عن همها دايم تسائلني
اداوي اجروحها وانسى شقا عمري !!
فهل سمعتم بمجنون ( ن ) يماثلني
او هل سمعتم بعين ( ن ) تحتمل سهري !!؟
سبحان ربي مجملني ... مكملني
ماللبشر دور في الاعلاء من ذكري !!
يعشقني الحرف ..يرحلني وينزلني
يسلبني الترف راحة متعب السفري
اصوات اموات لايمكن تزلزلني !!
فهل رايتم حجر عكرعلى النهري ؟
قليل حظي مع العالم وتخذلني !!
ان كنت تدري مصيبه أوكنت ماتدري !!
مصيبه أعظم دخيلك لاتجادلني
الليل روح ونا مثله ومعي عذري !!
قبل امس اشيلك بعيني ونت شايلني
على رماح الجفا وانا نفذ صبري
خلاص ماعاد ابي عينك تغازلني !!
كحلتها من سهام الغدر .. يا ... قدري
انا قصيده وفيه ونت قايلني
معقول تعجز عن الادراك في فكري ؟
بلسانك تقول لي تقدر تحملني ؟
ام ان هذا الوفا ضربا من السحري !!
يادافي الروح شفني لو تحصلني
بلغ هلي عن معاناتي وعن أمري
ياوين هاك السحاب اللي يبللني
عطيت دنيا الغلا من سبته ظهري
لوكنت أجابه وقالولك تعللني ؟
قولي ملفه خطير بقلبي وسري
ون قصروها وعجزت انك تطولني
تأمل المفردات بحصة النظري
القيتها ونت باللوعه تقبلني
وطويتها قبل اذان الديك بالفجري !!
غلاك يغلي غلا ونت أمتغلغلني
ودواك احلى وسيلة موت يامغري !!
والمركب اللي الى شاطيك وصلني
احرق بقاياه بالهجران من بدري
اطلب من الله وثمن منك حللني
الذنب ذنب الهوا اللي طير القمري
تبي وفا النايف .. ؟ اتحداك ..قابلني
كل المخاليق ابد .. ماحركت ظفري
تصعب علي الثواني ونت قاتلني
الموت يومي معك واسبوعي وشهري
دايم بطعناتك العذبه تغافلني
ونا على الله تركت الداب في حجري !!
تطلع لي من وين قلي يامغربلني
حتى بداخل كرات الدم بي تجري !!
لو كنت موتا على الاعناق تحملني
لما تهيأت لي من حيث لا أدري !!!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.