من جهة وادي الدواسر على الممشى نويت
لا جهة الأفلاج عزّمة باسوق الركاب
عارفٍ دربي واعرف اتجاهي ماغويت
حاضر فكري واعرف الخطايا والصواب
واعرف الواجب واصيب الهدف لامن رميت
و إن نظمت الشعر اصونه واحسب له حساب
و آزن الكلمه واقول الحقيقه لا حكيت
و اتحرّى الصدق واشوم عن درب الكذاب
شوّقتني للسفر لين عزمت و مشيت
دعوة آلاد العياضي مروين الحراب
ثم سقت اقدام رجلي مع الدرب وعنيت
مع تهاتيهٍ يغطي معالمها السراب
ناصيٍ لي لابة طلق وجهي لا لفيت
ندّر الحقبان ربعٍ على الخايف حجاب
لابةٍ فرسانهم فالجهل يمشون هيت
كل منهم في نهار الملاقى مايهاب
تنعرف وقفاتهم بين حي وبين ميت
ستر غضّات الصبايا منقشة الخضاب
و ان هقيت الطيب فيهم لقيت اللي هقيت
فعلهم وافي وانا ابني على الفعل الجواب
ادري اني لاقطعت المسافه ثم جيت
مالقيت الا الشحم و المباهير العذاب
عند شيخٍ بانيٍ للكرم والعز بيت
ذاك عمّار ابن ناصر ظهر صيته وطاب
مجلسه منصا العرب للمقيل وللمبيت
ريف ضيفٍ قل عنه الطعام امع الشراب
انت يا عمار شيخٍ وفيت ولا هفيت
في مديحك ينفتح للقوافي كل باب
نادرٍ من صغر سنك على العليا ضريت
عاشقٍ درب الوفا وانت في سن الشباب
وانت يابن غنيم عن طيب فعلك مانسيت
ياحكيم تفتل الراي وتحل الصعاب
انت رجالٍ على قمة العز اعتليت
سمعتك بالطيب بين الثريا والسحاب
للمعالي راكبٍ سلّم المجد و رقيت
والمراجل فوق جسمك مفصلها ثياب
طيب فعلك حط لك مع هالامجاد صيت
ياكريم المد يالقرم يا سهل الجناب
ياسليل المجد في مدح شخصك ماستحيت
امدحك وارقى بمدحك طويلات الهضاب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.