أبو نــايف

سلام الله عدد و بل الخيال عالى يهل السيل
ليا امطر من سماء وصار له راعد و براقي

عليكم يا هل الشملي واخص ابها قوي الحيل
ابو نايف تحية خالصة من داخل أعماقي

انا يوم نشدوني وين رايح قلت يم وصيل
و قالو من يكون وصيل قلت وصيل زراقي

ولون المسافة دون ميصاله تهد الحيل
نبي نصبر على شان الرفاقة والله الواقي

هذا شيخ المراضي يستحق القدر و التجليل
ولا لي عذر دون زيارته لو تنكسر ساقي

ابو نايف عريب الساس راع الطيب والتكميل
عطاه الله دروب الطيبين وزين الاخلاقي

انا لو اجتهد في مدح ابو نايف نهار وليل
يضيع الوقت ويجف القلم وتغلق اوراقي

مزاياه الكثيرة فاقة التشبيه والتقصيل
وهايب من جليل الملك فاتح باب الارزاقي

بيوت الشعر اختمها بورد وزعفران وهيل
وانا احب الكلام اللي يناسب كل الاذواقي

صلاة الله على المختار ما بان الجدي وسهيل
عدد مبدي النجوم وعد مشرق نور الاشراقي