كني فقيرٍ يبيع الثلج وقت الظهر ..! - صالح السهلي
كتابة السر بالأوراق مثل الجهر..بعض الورق ( مشكله ).. يملّ حتى الجيوب..الليل ليلي وانا ( صالح ).. زبون السهر..ماجت على الضيقة اللي قبل وقت الغروب..انا / انا للحزن على حدود القهر..انا / انا للهلاك .. ( استغفر الله واتوب )..!كنّي فقيرٍ يبيع الثلج وقت الظهر..ويشوف قدام عينه راس ماله يذوب ..!!ان قلت: هذا الدهر.. بقول: (هذا الدهر)..وان قلت: ماهو صحيح .. اقول: وقتي كذوب..تدري ..! مادام انت ياحظّي مصب النهر..بزرع من الحلم قطره للعطش وسط كوب..!وبصوم يومين.. عشر ايام.. والاشهر..وبفطر على الموت ياضاقت عليّ الدروب..بموت مااحتجت.. والحاجه تقص الظهر..وبعيش لو ما ملكت الا عمامه وثوب..يغنيني الغيم ياسولف علي الطهر..وانا معه وآتساقط من عيون الذنوب..يطيح حظّي ولا ارميه رمي (الزهر)..فيني حسن كثر ما الله حط فيني عيوب..الليل مظلوم لو كله ( ثقافة عهر )..رسم سواده على وجه الليالي شحوب..ياليل خلك معي.. ياشمعدان انصهر..ياحزن رح .. مابقالك غير ( ليلة هروب )..!
عناوين مشابه
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.