أما بعد!!. لـ فالح محمد بن علوان

أما بعد!! - فالح محمد بن علوان

ما تغري البسمه على شفات مزيون
لو تنسرق عيني على ضوح خده

ولا تثر النظره على قلب مفتون
في غيرها ما بيح القلب سده

انا صويب الحب وجروحي طعون
طعون رمح سنن الشوق حده

أما بعد خلي حكايا التلفون
بجاملش لكن ما به موده

الود للي باحله كل مكنون
اللي على بعده جفيت المخده

اللي مكانه داخل الجوف مصيون
ولا زعزعت كثرة جفاياه وده

لجت حنايا الجوف والقلب مشطون
وأزريت صد ما تحقق مرده

وعذال قلبي في المحبه يحبلون
وصويحبي مع أول الصيد عده

شرحتلش ظرف عن الناس مدفون
كنش نشدتيني العذر يوم اعده

اما اعذريني واتركي القلب مشحون
مشحون هم وله مع الهم مده

والا تعالي!! والحقي طعونه طعون
بجاملش لكن ما به موده

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.