نهج المعالي على دربه تسيري
مبروك لو قلتها مليار مرّه
لا ما تعبّر عن اللي في ضميري
اي والله اسعد خبر للسمع مرّه
حسيت قلبي من الفرحة يطيري
قالوا لي ريّس حكومتنا يسرّه
بان الفهد نايبه نعم الوزيري
نايبه للاقتصاد لخير درّه
لكويتنا ام العطا للمستجيري
وللتنميه له وزاره مستقرّه
وايضاً للاسكان مرسومٍ اميري
يا بن الفهد يالفهد عز ومقرّه
في راسك من الطنخ شيٍ كثيري
منك المناصب بعد غبتوا تشرّه
وبك كلها تفتخر لانك جديري
لك نظرةٍ بالمراجل مستمرّه
الحي يحييك يا نعمّ النظيري
ولك بالفخر بصمه وبالمجد جرّه
ونهج المعالي على دربه تسيري
كسّاب قوله نِعمْ لله درّه
بالطيب والجود والوجه السفيري
وان كانها بالشجاعه ما تغرّه
نسل الشهيد البطل سيفٍ شطيري
متوارث الطيب من بحره لبرّه
اخوان مريم ذرا اليوم العسيري
شامخ شموخ الجبل والنفس حرّه
ومن التواضع ملك قلبٍ كبيري
دولاب شِعْري لكم قدرك يفرّه
واسمك يخلّي هجوسي تستثيري
ولو ان شِعْري جمع ما في المجرّه
وطرّز من نجومها فوق الحريري
لك يا احمد بن فهد في كل مرّه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.