أحتاجلك حيل

لـ نوض السعودية، 24/02/09 01:46:38 AM، بواسطة سماهر، في غير مُحدد

أحتاجلك حيل - نوض السعودية

(احتاجلك حيل) لكن ويش يمنعني
غير الحقيقه وهي من صادق أعماقي ..

ماعقبها غير ألا انك تودعني
لو كان حتى كلامك وآضح و راقي ..

دايم افكّر وهمس الروح يقنعني
وأسج عن عالمي واصارع اشواقي ..

حرام والله خَبرتك منت بايعني
لكن والله حرام اخون ميثاقي ..

والله ماقلته الا الود يدفعني
والصدق بيّن وانا تمنعني اخلاقي ..

والله لو كان قلبي بالوفا يعني
ماكان بشرح هواي وبكشف اوراقي ..

لكن لي حظ بالدنيا مقاطعني
ولاشك عندي مكانك بالحشا باقي ..

ارتحت وافشيت هرجٍ ٍ كان موجعني
ولاّ انت ياليت مايثّر بك افراقي ..

اسمع كلام الغلا واقرى وسمعني
(انا على كلمتي تممّت ميثاقي) ..

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.