في ليلت(ن)وسط السماء كلها انجوم
حسيت بالظيقه في وقت السكينه
بعد خشوع الناس في حزت النوم
جتني احلوم (ن) عانقتني سجينه
تبغى تفل الراس وترقص بلا اهدوم
حاولت ابسترها وقالت حزينه
غزه تبا فزعتكم اليوم ياقوم
وان ما فزعتو احساسكم فاقدينه
كلن يقول الحل بكره ومعلوم
أن السلام يعم كل المدينه
واخاف لا تقلب علينا كمى الروم
هذا واوباما ماسمعنا رطينه
ماني سياسي لكن الوضع مفهوم
ان القوي ذالوقت مستيسرينه
لاكن ابا اصلي وبدعي وبا بصوم
واقول ياربي عساها عوينه
الديره اللي عايشه هم وهموم
وشي(ن) نشوفه زين ياشايفينه
حتى محطات الفضاء تنقله دوم
قصف(ن) يخلي الاب يفقد جنينه
ياليتني ذاليله اموت مسموم
ولاشوف دار العز تمسي رهينه
بيدين منهو عنده الحق معدوم
سيطر على المسجد لجل يستهينه
وهذا يهودي باخر الوقت محروم
وأن قاله الله بيدنا محرمينه
أليا دفعناها على القدس في كوم
تطلع علينا الشمس مسترجعينه
حتى لون الساعه أبوقتها تقوم
يكفي اهانه يالوجيه المتينه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.