السجة الي تجيب اسمك على بالي
مرباع قلبي عسى ربي يحيِّيها
ترسمك مقفي وكنك جالس قبالي
لأقصى بحور الخيالات وموانيها
في روضةٍ " يعتليها " برق وخيال ِ
هتَّانها لا هطل كنَّه يراضيها
ما أحلى من أثمارها إلاَّ ريقك الحالي
ولا أجمل من ورودها إلاَّ كف " جانيها"
ومع قولة الليل : بآمان الله الوالي
سلَّم / صباحك وفزَّت له خباريها
ومن دلةٍ من دَلالك ذقت فنجالي
هيل إبستامتك / هو اللي محليِّها
أفنت معالم تناهيدي / وغربالي
الله يرضى على الدله وراعيها
وما بين روح / إتكاليتك ؟؟ وإهمالي
وبين إنبثاق المشاعر يا معنيِّها
غطَّى جديلك جبينك وأرهق حبالي
وقمت أتشرَّه على روحي وأجازيها
قلت أجمع اللي نثرته دق وجلالي
وأذكر مسار أوَّل الهجرة وتاليها
وأثْري ! بجمعه جمعت مبعثر آمالي
الي من العام توعدني بأمانيها
يا أعذب من العذب ! يا مملوح ياحالي
يا مُولع النار في قلبي ومطْفيها
شكَّلت لك لوحةٍ ما خيَّبت فالي
بريشةٍ ؟ ترسم الزلَّه وتمحيها
كريم و أستاهلكوأشقى وتشقى لي
والعين ما تعشق إلا عين غاليها
والواقع اللي يجيبك تجلس قبالي
يكفي ، ويغني عن السجَّه ، ومافيها
والسجَّة اللي تجيب اسمك على بالي
ما هي / طموحي لكن ! الله يحيِّيها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.