يامل قلباً كل ماقلت هادي
جاته هواجيس الغرام وغدتبه
من سبت اللي ساكناً في فوادي
اتحكم قلباً في هواها مشتبه
اجروح قلبي من سببها جدادي
تجددت عقب الليال انتحتبه
يفز قلبي من لذيذ الرقادي
ساعة حلوم الليل للقلب جتبه
مامثلها بين الحضر والبوادي
عندي جميع الكون ماسيرتبه
العين عين اللي بوقت الهدادي
جول الحباري بالمطير اعثرتبه
شيهانتاً تكثر عليها المعادي
ميكارها روس الطويل اعتلتبه
والعنق عنق اللي ترب الحمادي
ريميةٍ قفر المفالي رعتبه
وردفٍ يتل الثوب والنهد بادي
تفاح شامٍ بالغصون اثمرتبه
وهرجه حليب مبهلات التوادي
اللي زماليق العشوب ارتعتبه
قالو تحبه قلت شياً وكادي
حبه معاليق الفواد ارتوتبه
واشفق عليها من رضيع المهادي
على امه اللي بالحنان اعتنتبه
جار الدهر واعلن عليه البعادي
وله عمتاً من جورها عذبتبه
ماقوى الصبر عنها ولا الابتعادي
خيالها وسط الضمير الصقتبه
ساعة اشوفه مثل يوم العيادي
وترتاح روحاً بالغرام اشبكتبه
هي منوتي هي غايتي هي مرادي
وهي نور عينٍ بالدجاء نورتبه
يازين عقب البني صعب الهدادي
يصعب على روحاً غرامك سعتبه
وهذا الهوى معروف من عصر عادي
كم نفس حياً سلها ووقعتبه
اما حصل رديتها للعنادي
مادام روحي خلها مهتنتبه
اخذ هواء بالي واكب البلادي
لبلاد كلمات العرب ترجمتبه
ويابو حمود الوضع ماهوب عادي
نار المحبه في الفواد اشعلتبه
اعلن عليهم يافهد بالجهادي
وانقذ غريقاً بالبحور اقذفتبه
بالجاه والا المرهفات الحدادي
جبلي طلب روحاً هواه ابتلتبه
والخاتمه هي منوتي هي مرادي
وهي نور عيناً بالدجاء نورتبه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.