البارحـه يـوم خمنـي هواجيـسـي

هذه قصيدة الصقر الصقر
يامحمد اقرا كلامي فى القراطيسي

وافهم رموز الكتابه من معانيها
واخذ مع القاف لك بعض المراويسي

تمشي سهلها وتبدي في مباديها
صدري لو انه من صدور السناعيسي

ضاقت بع علوم ناس(ن)من دواديها
الحق يظهر ولو جا فيه تدليسي

واللي يجيب السوالف لك يوديها
ودار(ن)بها اخبار جابوها العساعيسي

واعلومها بين قاصيها ودانيها
والبوم ماهوب فرخ (ن) للقرانيسي

والله خلقها وسوا اللي يحاليها
وانته مدرس ولاتحتاج تدريسي

تعرف مجانينها وابخص بصاحيها
والكيف مايضبطه غير المقاييسي

والا طفح مرها من فوق صافيها
والبن لو زاد حمسه فى المحاميسي

زوّد سواده على نار(ن)يصاليها
والفار دايم حياته فى الدهاليسي

وسط الجحاره تكاثر في مرابيها
معيشته فى الزهاب وفى الهداريسي

يقطع وينطل ويسري مع مساريها
ماهو بقاطع بعيدات المراميسي

ولاهو مربح احلال(ن)عيشته فيها
في حلته دوم يقبس باالمقابيسي

وان كان شبت توخر مايلاقيها
دايم هروجه هروج اهل النخابيسي

وارجي من الله عسى خلقه يشافيها
اهل العقول الصخيفات المفاليسي

اللي على الطيب ماحفيت سماريها
يمشي مع اهل النميمه واللساليسي

واهل الرخامه على السكه يباريها
دنفوس في حالته وصف الدنافيسي

من قمة الراس الى سافل مواطيها
يتبع هوا النفس بعد اقتاده ابليسي

على الرخامه يفلي في مفاليها
ماني مجامل كثيرين الحساحيسي

لكن من خرجها بانت مواريها
الله يلعنك ياكثر الوساويسي

عطلتي الناس عن باقي هقاويها
وصلاة ربي عدد هب النسانيسي

واعداد هب الهبايب مع ذواريها
على نبي(ن)سطع مثل الفوانيسي

وسط الدجا وانورت مظلم لياليها
وهذا ردي

البارحه يوم خمني هواجيسي
أزريت من قوة التيار أهديها

عانقت في جوها لندن وباريسي
أسبح بحرها وارسي في موانيها

شفت القصيدة على بيض الكراريسي
ومن فرحتي قمت الحنها وأغنيها

يامرحبا عد ذعذاع النسانيسي
واعداد برق السحابه في مناشيها

ياصحابنا أهل الوفاء وأهل النواميسي
اللي على العز حاضرها وماضيها

والبيت ماينبني من غير تأسيسي
واللي يسيس بيوت العز يبنيها

وصقر الصقر بالمشاعر والأحاسيسي
يطرح قضية وابن عباس قاضيها

وكرست جهدي على الموضوع تكريسي
أخاف من غلطةً ماني براضيها

وراجعت كل المعاجم والقواميسي
ابحث حلول القضية قبل نبديها

وأصرف القاف واقوله على كيسي
وانظم قوافيه وارتب معانيها

والجو مايخلفه غير التضاريسي
لكن ربك ليا صعبت يسويها

بعد انتهاء عصر الابطال الاشاويسي
بتضيع سحم الذيابه مع حصانيها

وطاحت قرون الوعل والثور والتيسي
اللي تصادم جبالٍ ماتقاويها

مير اترك السيخ عباد الجواميسي
اللي بعضهم اليا ماتت يعزيها

والكسر ماينجبر من غير تجبيسي
جود حزام الجبيرة لاتخليها

ودامك تعرف الحصان وتعرف السيسي
خل البهايم تفلي في مفاليها

واللي قضى وقته هموم و وساويسي
يمكن يضيع صلاته مايصليها

والبندق الي تثورها النواديسي
ماتطرح اهدافها لو كان ترميها

ولال الورق يلزمه غير الدبابيسي
حط الملفات واجمع ماتبي فيها

وانا اعرف ان شمر رجال الكناعيسي
اهل المواجيب وبعيده هقاويها

ماتلتفت للمهبل والجواسيسي
اللي اليا جابت الهرجه توديها

اللي بعضهم يشيل العجر والفيسي
ناس تشب الحرايب ماتطفيها

والصبح رد الخبر لأبو قرانيسي
الشاعر اللي بيوت الشعر حاويها

وانا الهوى جاله بقلبي نباريسي
بنت الكحيلا تنادينا واناديها