ويل قلبي يالعيون ان صوتت للموت اجي له
والصدر ملعون ابو جد يعمل بي العمايل
الغلا ....جعلي فداه ان مر والله بانحني له
اي (هم) يشرف بقلبي ويتعبني مخايل
صرت اشوف المجد كله يتلي العنقا الطويله
لا اقبلت اشعر بان الارض من تحتي تمايل
لين اغيب من الزمن واضيع بعيون وجديله
ومع بياض الخد كافر فيك يا بيضا نثايل
اقرط التاريخ وانسى كذب فرسانه وخيله
ما تطارد خيلهم الا على مانيب قايل
الغلابا حلمهم ميت ولا احد مرتكي له
والدموع اطفال واطفال الدموع بلا رحايل
والشقا ياصاحبي لا تشتكي من تشتكي له
كلها قفرا ولا جتنا من الوسمي رسايل
الهقاوي خلها لك يوم طقت بالنثيله
لا تحدثني حديث كلها صارت دخايل
غربتي ياكبرها ..ياهي على الدنيا فشيله
ايه هيجن كل شي ماعدا ها الهم زايل
وش بقى من عمر حتى يكبر الحزن ونشيله
وش صغر من همنا واللي تغذيه الدغايل
ان سمعت بشايب عادي وطوح لك عويله
انجحر ياما على راسك مع الرمل نتهايل
اما انا بطلت غير العشق ماعندي فضيله
كلما شفت الدلال اتيه ما عرف الدلايل
العيون ابوك لو تسهر معاهن بس ليله
تعرف ان الحظ الى ماسلهمن له دوم مايل
ما اريد الحزن ياخي دامها احزاني ثقيله
انا مابي غير صدر لاطعني صحت هايل
رابط حلمي وعولمت الحياه وجت جميله
وانت قل لي يالتريشا وش لقيت من الرزايل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.