طار الحمام ولابقا الا العصافير
وهب النسيم وللعواصيف طاري
وراح الربيع ولابقا الا المعاصير
وستبدل الخضره عجاج وذواري
وردوا محيمين الضوامي على البير
من عقب صافي شربهم فالخباري
وقفى هل المجهم مع اهل المغاتير
هذا على دربه ولاخر مباري
دورت زمن تجري على الانس والطير
حتى الفلك في عالى الكون جاري
كلن معرض للسعد والمقادير
ولافيه مخلوقٍ عن الغيب داري
اقفا زمان الباديه والمضاهير
وقبل زمان الحضرمي والحضاري
وانا ابدوي مالى عن البر تغيير
اموت وحيا في الخلا والصحاري
شوف العريق وشوفت الشعب والنير
تسوالها عندي محلٍ تجاري
واليوم انا بشكليلك الحال يامنير
قدام يبرانى من الوقت باري
جهز على اللي يقطعن المشاوير
يوم انت في قطع المسافات ضاري
جهز على خمسه جداد المواطير
جيوب شاص وحط معهن سفاري
جايلهن في مشيهنه تصافير
محملات وكنهنه عواري
ارايل الكنود عليهن مساطر
مسرحاتٍ بالقرار الوزاري
ارايلن متعكفه للمواخير
من زود سرعتهن وبعد المساري
بكره لليازان الهدد للصقاقير
وهب النسيم وزل وقت الصفاري
نبا نتوجه فوقهنه على خير
يم الديار ام العدن والحباري
نبي ورا الحرشا وبطراف خرخير
ونرجع على ام قرون ونقص اثاري
دارٍ منابتها الزهر والنواوير
وتلقى الخزز في الهرم عنك متاوري
وبعد عن الزراي ولد المعيثير
اللي حياته كلبوها زواري
في مجلسه ناسٍ وساع الحناجير
مهوب مجلس عز مجلس هذاري
سوالفٍ تاكل سوات المناشير
في عرض محشومٍ جراله جواري
جوارين في الطيب قدم المناعير
يومن ولد اللاش عنها متزاري
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.