اه من ها القريحه والورق والقلم
ضقت من ها البحوث اللي ماهي منتجه
زاد الاصرار قل ايجادها من عدم
شاب صبر انتظار افراحي المبهجه
طال درب المسير ولابقابي عزم
يا هدى دبرة الرحمن وين اتجه
وش بقا كان شحت للكريم الشهم
في زمن عالم الكشخات والبهرجه
اخر العشق منحوفه ولامن جسم
كم تولجت معها للجنون ولجه
صرت من يزرع الصحرا بامال الوسم
في زمان الجفاف وعوشزه وحدجه
والعشيقه تزغرد للوجود الاصم
ضاق صدري وهي غاد لها لجلجه
كنها خوتك ياالحالك المدلهم
وخطوة السارياللي ماقدا منهجه
دامها باذن سامعها قليلة فهم
ليه اعذف واعزل البن عن بنبجه
ناسها يتهمون وهي لهم تتهم
كل منهم على الثاني يدير حججه
هم يقولون تمويه الحقايق. وهم
هي تقول اغبيا وافكارهم مزعجه
كثر ضوضا النقاش وسبهم والشتم
ماعرفت أي خصم اللي هذاك افلجه
ابتعد تعتزيبي ياكبير الاسم
اقترب كن باذنيها يصير صنجه
كل ما جيت بتركها تزيد الهمم
والهقاوي بفوز خيولها المسرجه
فتنتٍ بين ذيب وبين راعي غنم
ماتموت وعلى الدنيا وجود نعجه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.