بالأمس راحت ياجماعه فلسطين
وبغداد راح وكننا مادرينا
من فعل صهيون اليهود الخسيسين
لعنهم الله لعنه الكافرينا
ولبنان راح اليوم والناس ساهين
وحنّا على فعل الخطا ساكتينا
إلى متى واهل العروبه مساكين
إلى متى واقوى العرب خايفينا
الموت حق وواجبٍ نصرة الدين
والذل عيبٍ ياجماعه علينا
نرضا بذل اخواننا والمسلمين
ونفوسنا ماتت طمع مع يدينا
الموت ماهو موت نفسٍ ونفسين
الموت موت قلوبنا لاحيينا
وش خانة الرجّال بين العريبين
لاصار لاثاير شمال ويمينا
اقصى فعل نفعله بين الغريبين
نقول تاريخ الجدود الدفينا
وش يفعل التاريخ وايّام حطّين
مادامنا في يومنا ماغزينا
صحيح نفخر بس للحين للحين
تذلّنا كف اليهود ورضينا
نضحك بوجه الكفر ويجر سكّين
على رقاب اخواننا المسلمينا
اليوم يذبحهم وبكره بعد مين ؟
بكره يجينا دورنا لا احترينا
يعني بالأمس تروح ديرة فلسطين !!
وبغداد راح وعادنا غافلينا!!!!
واليوم لبنان افتكوا به وبعدين؟
بعدين ناتي حن مع اللي يلينا
يعني تجر الخيط بشويش وبزين
ألين ياتي الموت ياناس فينا
ومادامنا عن ماجرا اليوم سالين
عز الله ان جا دورنا ماصحينا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.