الشعر الشعبي العراقي الدارمي

الدارمي : هو احد الوان الشعر الشعبي ويتكون من شطرين ،

ويعتبر كل بيت من الدارمي

بمثابة قصيده كامله لما يحمله من بلاغه المعنى .

ومن اشهر الدارميات التي انتشرت في الخليج دون معرفة اصلها لكن من فصاحتها وقوتها وجزالتها لم يعر حافظها اهتماما لقائلها هي:

اكعد واشب النار واذكر وليفي ***وبحجة الدخان ابجي على كيفي

ويجب التنوية ان حرف الكاف هو القاف فكلمة اكعد هي اقعد

وهذة بعض الامثلة الكثيرة للدارميات:

أ-النظم الرجالي

للدراميات :-

متعجبة النســوان

تطلك فـرد يـوم

وطلوكي بالساعات

كل ساعة أذب توم

النسوان:النساء /

تطلك:الولادة أو المخاض / فرد يوم :يوم واحد / أذب :أضع

الدهـر لـو وازاك

هـا بالك تصـيح

خلي الرمح بجـلاك

وأصبر لما أطيــح

وازاك:ضيق عليك الخناق / ها:للندبة / بالك : أياك أنّ / خلي: دع / جلاك =كليتيك / أطيح:تقع.

كلتلــها تتحنــين

بجفــاج أليــه

كالت مسـحت العين

وأثـر بديـــه

كلتلها:قلت لها / تتحنين:تضعين الحناء / جفاح : جفائك

لا والله يالـبهلول

ما فززتــها

الفرخ كام أيلوع

جيت أندهتهـا

فززتها :أيقظتها من نومها / الفرخ:الطفل الصغير / كام:قام / أيلوع:يبكي / جيت=أتيت

أندهتها:ناديتها للتستيقظ

طولج نبع صفصاف

و مجاور المـاي

خدج حليب النوك

و مكاسر بجاي

طولج:طولك / خدج:خدك / النوك:النوق مفردها ناقة / مكاسر:مخلوط / جاي:شاي .

أيلولي أبـن تعبــان

وعليوي عرس

والمرتجي الله أنطــاه

والعاشج أفلس

أيلولي:هدهدة الطفل / أبن تعبان:أسم علم / عرس:تزوج / المرتجي:المتكئ / أنطاه:أعطاه / العاشج:العاشق /افلس:خسَرَ

من تمشي جنهه أثنين

جـاسمهه الحزام

مثل اليعـد

ليرات

نكلات الأجدام

جنهه :كأنها /جاسمهه:قسمها قسمين /يعد :يحصي /نكلات :حركات .

ب-النظم النسائي للدراميات:-

متحزمة حزامــين

كل لطمي ويلي

وأطبك نهاري أوياه

من يكضي ليلي

أطبك:أجمع /يكضي:ينقضي

عكرب تريد

تصير

تلدغني وتـروح

حسبالي خوش وليد

سلمتك الـروح

عكرب:العقرب الحيوان المعروف / تروح:تذهب / حسبالي: كنت أظن / خوش :جيد / وليد:تصغير ولد

شمالك يبعد الروح

لونك تغــّير

عندي خوات أثنين

طب وتخــيّر

شمالك:ماذا بك / خوات: شقيقات/ طب : ادخل /تخيّر : أختر

يايمه شيلي الــزاد

توني تغـديت

جابولي طاري هواي

بالزبده غصيت

شيلي: أرفعي/ الزاد: الطعام / توني: الأن / جابولي : جلبو لي / طاري: ذكر

كالولي منه الجـأي

كلتلهم أهـواي

سئلوني أشمدريــج

رف كلبي وجلاي

كالولي:قالولي /جاي:القادم أوالاتي/كلتلهم:قلت لهم/شمدريج:ما أدراك

جلاي:كليتي

لا تظن عيني تنـام

وأطبك جفـبها

مثل

التنكط الماي

لوحيـد أبنـها

أطبك بمعنى غفى/تنكط:تقطر الماء

خالاتي دكن حيـل

ها خاله وياي

موش أبني هذا المات

الميت هـواي

دكن:معناها هنا اللطم بقوه / وياي:معي / موش:ليس .

ما ريدن الخــوا ن

هم ما ينفعون

عود من أموت أيجون

ويه اليدفنون

الخوان :الأخوان / عود: عندما / يجون:يأتون / ويه:مع

ج_النظم المشترك

يا ساعة أشوف هواي

يا وكت يمته

واشبع عتاب ويــاه

بس لو لزمته

يمته:متى / وياه:معه / لزمته:قبضت عليه ومعناه التقت به

أشماردت يهــواي

صار وألف صار

عبره انه ألك سويت

بظلوعي الكصار

أشماردت:ماذا أردت / صار:سيكون / عبرة:جسر / سويت:عملت / الكصار:القصار

غمه أشتكول الناس

ضاحك للـوداع

ومن عادة المذبوح

يرفس عله الكاع

غمه:سفها لهم / أشتكول:ماذا تقول / عادة:ديدن / يرفس:يضرب الارض بقدمه.

ياكتر بالــدلال

خالي من العيـوب

وبيا مجان يصــير

جرح اليجي أنوب

كتر:جانب/ خالي:فارغ / مجان :مكان /اليجي :الذي يأتي /النوب :مره ثانيه

ليش من أشوف هواي

مجبل عليـه

حيلي يكع للكــاع

وتموت أديه

ليش :لماذا /من أشوف :عندما أرى /مجبل :مقبل /حيلي :قوتي /يكع :يسقط /الكاع :الأرض

ياكلبي هيد ونام

لأكعد وأجويك

هم وتعب وفراك

كلي شيظل بيك

هيد :التزم الهدوء /اكعد :اجلس /اجويك :احرقك بالنار /كلي :قل لي شيظل :ماذا يبقى

وهذا شرح مختصر للدارميات اتمنى انة يكون كفى ووفى

انتهى

1782008