يامل قلب ٍ من عنا الوقت محروق
من خاطري كن الحشا داخله نار
وأنا أشهد إنّي من عنا الوقت معزوق
واصبر وأقول الوقت لابد دوّار
بأمر اللذي يعلم خفا كل مخلوق
الواحد المعبود علاّم الأسرار
يفرج لقلب ٍ مابقي فيه معلوق
يومي اوماي النود لغصون الاشجار
كنّ الحشا بين الصناديق مفتوق
وأحس وأونس داخل القلب مسمار
لي مدّة ٍ ماذقت حلو الكرى ذوق
من هاجس ٍ فالقلب حلو الكرى طار
لاناموا العربان غنّيت طاروق
يجبرني الهاجس على بدع الأشعار
لانيب لاعاشق ولانيب معشوق
أقصد ظروف الوقت والوقت غدّار
وقتي يعاتبني وناويني البوق
وآخر نتيجه باقني مابه إنكار
وإن جيت بعض الناس لو مابك طقوق
ماأنته بتاجر عنك يغضون الأنظار
الوقت هذا به تعاسات وعزوق
يعيش به من حط فالبنك دينار
وحلفت ماجي اللاش وأنا ولد روق
وإنّي لانز ّح بيني وبينه ديار
راع البخل بابه عن الضيف مغلوق
ويزعل ليا لفوه فالبيت خطّار
ماله كثير ودايم الثوب مشقوق
مايشتريله ثوب من خوف الأخسار
ولايشتري لانثاه خبز ٍ من السوق
خلّه يولّي واتركه طافي النار
وصلاة ربي عد مالاحت بروق
على النبي عداد ماساير ٍ سار
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.