الوصية

قال:من وصى عياله وده إلهم بالشكاله
خابر(ن)راعي الرزاله بالمجالس تشنعه

يا ((إمهلي)) شوف أخوانك شانهم من صوب شانك
عندما يزعل إلسانك عنهم الغيظ أدفعه

وأنت يا((علي))أفتكر خل قولي لك ذكر
ربعه الطيب شكر والردي لاتتبعه

يا((مسلم))وأنا أبوك العرب لو صاحبوك
مايسرك غير أخوك كل مايأمر طعه

ياعيالي كلكم أفطنوا في حالكم
التنازع ذلكم والتصافي منفعه

أجهدوا لله بطاعه وأتبعوا راعي الشفاعه
قبل يوم فيه ساعة عند ربي مرجعه

القصير أمشوا بحقه لو بدت منه المشقه
وإن كثر بالقلب دقه طو بيتك وأشلعه

مادواه الإمراحه في فراق السوء راحه
لاتجازيه بقباحه يوم ربه صرقعه

والخوي حقه عليكم تجعلونه من حديكم
كل شغله في يديكم لين ياصل مربعه

إن تمرجل كيفو به وإن تردا عبرو به
لو يصير لكم عقوبه قصة(ن)بالمبلعه

والحمق يخر مضره يلحق العقيل شره
ون طرا راعيه مره قالوا الله يقطعه

والصبر عند البلاوي خير من كثر الشكاوي
لو تصيح ولو تلاوي مابغا الله يصنعه

وأحذروا حقر الفقير دعوته يمكن تصير.؟
أدخل الله وأستجير قبل يذرف مدمعه

التكبر للرخوم يحسبون إهم القروم
عندما يبدى اللزوم عشرهم نصف أربعه

والعدو لو زان باله أنقلوا منه الحماله
لو مغط ألكم حباله بغظكم يبقى معه

والصديق بكل حال عند حظرات المجال
مدحكم عند الرجال كل ماجاه أشبعه

والصديق إليا نكركم ما دواه الأ ظهركم
وإن خضعتوله حقركم صرتوا عنده مضفعه

والتمني مايفيد لو تزيده مايزيد
مثل بق طار من إيد بالهوى من يجمعه.

والحلوف أبغير حاجة كلها ذنب وسماجة
واجد اللي باللجاجة دوم حلفه يمطعه

كم صبي(ن) بالرخا ظنكم فيه الصخا
وأن كربتوه أرتخا كل عذر(ن)ياسعه

جاز من كل الصداقه والمحبة واللباقة
والسبب نفسه أرفاقه حتى الانه تضلعه

والمغفل يحسبنه دوم في نعمة وجنة
ماخذ(ن) دنياه ظنه لين بقعا تصقعه

ثم يقعد من منامه ملحق(ن) نفسه ملامه
عقب ماشاف الندامه يوم هاك الكعكعه

الرجال أبهم فهيم لايضام ولا يضيم
عندما يبدى حليم والحقوق مشرعة

راعي الصبر محمود لين مولمته تعود
ثم ينزل بالحدود والمطمن يرفعه

والرجال إبهم ثقيل كل عمره مايعيل
وإن طمع فيه الجبيل دون حقه يصفعه

أن بغيته بالمروه شفت نو الخير.؟نوه
وأن بغيت الحق قوة طزعينك باأصبعه

وإن بلاك الله بعاقه من مقاريد الرفاقه
لاتوريه الحماقة لين ربك يقلعه

خل شوفاتك بعيدة عند نفخاته وريدة
ثم عقب(ن)لاتعيده السعه ثم السعه

كم صبي(ن) كل يوم يعتزي من غير قوم
وإن تناطحت القروم مايداني الفرقعه.!!

صاير(ن) للشر سبه لين يلقا من يدبه
ثم يبرك للمسبه يوم جاه من أشبعه

والسفيه إليا نهيته عن طريق(ن) مابغيته
لو تجره ماقويته والندى مايسمعه

راح في درب(ن) يضره وأنت شورك مايسره
والله أنك لو تجره.؟ مايبي غير إسنعه

والرجال أبهم كذوب مايهاب من العيوب
لو يفجر مايتوب والخزا مايوجعه

والرجال أبهم صدوق في كلامه مايتوق
يفتهم كل الحقوق والكريم أمسنعه

والرجال أبهم كريم لاخطر خلفت رزيم
وأن طرش.؟قلبه سليم كل زاد(ن) يقنعه

والرجال أبهم بخيل لاخطر مدة قليل
وأن طرش.؟ماله مثيل يشره الله ينزعه

والحريم أبهم طبايع فيهن التخميل ضايع
لو بهم عاصي وطايع كل الأكثر مندعه

النصاح أيبيننه والخمال إيدمدمنه
وإن بغن دربن يجنه لو عليهن مسبعه.

ثم فيهن من حبيبه رجلها تشهر بطيبه
واهني منهي نصيبه لو متاعه سلوعه

وإن طرش وأبطى مراحه أمنن قلبه براحه
مايطيع أهل القباحه والجهل واللودعه

ثم فيهن شلبديه تاكل الطليان حيه
والردي ماهي رديه مير ماجا تبلعه

رجلها لو جاب واجد عندها ماهوب ياجد
أن سكت في الفقر ساجد وأن تكلم تسبعه

ثم فيهن من تحوفك كنها تفرح بشوفك
وأن تبين عرق جوفك بين إيديها تمصعه

تنصحك وهي العدوه وأنت تحسبها حموه
لاتظن أبها مروه حبل وصلك...تقطعه

لاتقول أن العجوز عن طبايعها تجوز
عند طاريهن تفوز تضحك أم الدعدعه

لو تصير أبزي ضبعه مالها بالعمر شبعه
كل مخلوق وطبعه ضايع من طبعه

ثم فيهن من تعينك دايم(ن) يدها بيدينك
عندها مامثل زينك لو عليك مرقعه

تفتهم حق الرجال عند زوجات الحلال
الدقاق مع الجلال كل شئ أبموضعه

ثم فيهن من تحلوى شرها يبلاك بلوى
لين بلحجة تعلوا في ثياب مطوعه.))

تعطيها سدك وأنت كتم السد ودك
تصبح الهرجه بضدك فالنداه أمصلعه

ثم فيهن من تحبك وأقشر ماتشوف جبك
وألحمتها لو تسبك في جسدك أمربعه

أن تكلمت أفضحتك وأن تغاظيت.؟أجرمتك
ون تساكت نتفتك نتف ريش القوبعه

بع أقاصيها بداني زدتها والعمر فاني
لاتحط أبها مثاني سو بيع أمقلفعه

ثم فيهن قشمريه صايبه ومجادعيه
عند ضحكات الثنيه من يجيها تلقعه

السفيه إليا نظرها دايمن يلهث بثرها
وأن بغاها ماقدرها بس يلهث مدلعه

مايطيع أهل النصيحه لو لبس ثوب الفضيحه
ولا أعظاه أبمستريحه والعيون مولعه

والذهين إليا عرفها كف روجه من ظرفها
جاز منه ماخرفها لو تكون أمهينعه

ثم فيهن من وثيق سدها سد(ن) غريق
مالنا شدها الطريق قولها ماتطلعه

سدها مثل الأمانة عند رجال(ن) تكانه
مايهوجس بالخيانه رابح(ن) من ودعه

ياعيالي جعلكم يبعث أسمي فعلكم
النصاح أطيب لكم والردا به خرفعه

أمنوا ترى النيه مثل ماقالوا مطيه
لاتصير أبكم رديه في محول أو زلوعه

الضعيف إليا نصاكم لاتشحون بعطاكم
في رجا الله ثم رجاكم كل ماجا أقنعه

والعطا ماهوى بالله كوبتن كثرة وقلة
ضايع(ن) راعيه ضله ضاع والله ضيعه

أفهموا قول المجرب مابغا وثت(ن)يطرب
باقي الدنيا تخرب ماحدن تصفي معه

وألزم ماعلى الصبي طاعته والمذهبي
والصلاة على النبي والأمور أمشمعه

قال: من وصى عياله وده إلهم بالشكاله
خابر(ن)راعي الرزاله بالمجالس تشنعه

يا ((إمهلي)) شوف أخوانك شانهم من صوب شانك
عندما يزعل إلسانك عنهم الغيظ أدفعه

وأنت يا((علي))أفتكر خل قولي لك ذكر
ربعه الطيب شكر والردي لاتتبعه

يا((مسلم))وأنا أبوك العرب لو صاحبوك
مايسرك غير أخوك كل مايأمر طعه

ياعيالي كلكم أفطنوا في حالكم
التنازع ذلكم والتصافي منفعه

أجهدوا لله بطاعه وأتبعوا راعي الشفاعه
قبل يوم فيه ساعة عند ربي مرجعه

القصير أمشوا بحقه لو بدت منه المشقه
وإن كثر بالقلب دقه طو بيتك وأشلعه

مادواه الإمراحه في فراق السوء راحه
لاتجازيه بقباحه يوم ربه صرقعه

والخوي حقه عليكم تجعلونه من حديكم
كل شغله في يديكم لين ياصل مربعه

إن تمرجل كيفو به وإن تردا عبرو به
لو يصير لكم عقوبه قصة(ن)بالمبلعه

والحمق يخر مضره يلحق العقيل شره
ون طرا راعيه مره قالوا الله يقطعه

والصبر عند البلاوي خير من كثر الشكاوي
لو تصيح ولو تلاوي مابغا الله يصنعه

وأحذروا حقر الفقير دعوته يمكن تصير.؟
أدخل الله وأستجير قبل يذرف مدمعه

التكبر للرخوم يحسبون إهم القروم
عندما يبدى اللزوم عشرهم نصف أربعه

والعدو لو زان باله أنقلوا منه الحماله
لو مغط ألكم حباله بغظكم يبقى معه

والصديق بكل حال عند حظرات المجال
مدحكم عند الرجال كل ماجاه أشبعه

والصديق إليا نكركم ما دواه الأ ظهركم
وإن خضعتوله حقركم صرتوا عنده مضفعه

والتمني مايفيد لو تزيده مايزيد
مثل بق طار من إيد بالهوى من يجمعه.

والحلوف أبغير حاجة كلها ذنب وسماجة
واجد اللي باللجاجة دوم حلفه يمطعه

كم صبي(ن) بالرخا ظنكم فيه الصخا
وأن كربتوه أرتخا كل عذر(ن)ياسعه

جاز من كل الصداقه والمحبة واللباقة
والسبب نفسه أرفاقه حتى الانه تضلعه

والمغفل يحسبنه دوم في نعمة وجنة
ماخذ(ن) دنياه ظنه لين بقعا تصقعه

ثم يقعد من منامه ملحق(ن) نفسه ملامه
عقب ماشاف الندامه يوم هاك الكعكعه

الرجال أبهم فهيم لايضام ولا يضيم
عندما يبدى حليم والحقوق مشرعة

راعي الصبر محمود لين مولمته تعود
ثم ينزل بالحدود والمطمن يرفعه

والرجال إبهم ثقيل كل عمره مايعيل
وإن طمع فيه الجبيل دون حقه يصفعه

أن بغيته بالمروه شفت نو الخير.؟نوه
وأن بغيت الحق قوة طزعينك باأصبعه

وإن بلاك الله بعاقه من مقاريد الرفاقه
لاتوريه الحماقة لين ربك يقلعه

خل شوفاتك بعيدة عند نفخاته وريدة
ثم عقب(ن)لاتعيده السعه ثم السعه

كم صبي(ن) كل يوم يعتزي من غير قوم
وإن تناطحت القروم مايداني الفرقعه.!!

صاير(ن) للشر سبه لين يلقا من يدبه
ثم يبرك للمسبه يوم جاه من أشبعه

والسفيه إليا نهيته عن طريق(ن) مابغيته
لو تجره ماقويته والندى مايسمعه

راح في درب(ن) يضره وأنت شورك مايسره
والله أنك لو تجره.؟ مايبي غير إسنعه

والرجال أبهم كذوب مايهاب من العيوب
لو يفجر مايتوب والخزا مايوجعه

والرجال أبهم صدوق في كلامه مايتوق
يفتهم كل الحقوق والكريم أمسنعه

والرجال أبهم كريم لاخطر خلفت رزيم
وأن طرش.؟قلبه سليم كل زاد(ن) يقنعه

والرجال أبهم بخيل لاخطر مدة قليل
وأن طرش.؟ماله مثيل يشره الله ينزعه

والحريم أبهم طبايع فيهن التخميل ضايع
لو بهم عاصي وطايع كل الأكثر مندعه

النصاح أيبيننه والخمال إيدمدمنه
وإن بغن دربن يجنه لو عليهن مسبعه.

ثم فيهن من حبيبه رجلها تشهر بطيبه
واهني منهي نصيبه لو متاعه سلوعه

وإن طرش وأبطى مراحه أمنن قلبه براحه
مايطيع أهل القباحه والجهل واللودعه

ثم فيهن شلبديه تاكل الطليان حيه
والردي ماهي رديه مير ماجا تبلعه

رجلها لو جاب واجد عندها ماهوب ياجد
أن سكت في الفقر ساجد وأن تكلم تسبعه

ثم فيهن من تحوفك كنها تفرح بشوفك
وأن تبين عرق جوفك بين إيديها تمصعه

تنصحك وهي العدوه وأنت تحسبها حموه
لاتظن أبها مروه حبل وصلك...تقطعه

لاتقول أن العجوز عن طبايعها تجوز
عند طاريهن تفوز تضحك أم الدعدعه

لو تصير أبزي ضبعه مالها بالعمر شبعه
كل مخلوق وطبعه ضايع من طبعه

ثم فيهن من تعينك دايم(ن) يدها بيدينك
عندها مامثل زينك لو عليك مرقعه

تفتهم حق الرجال عند زوجات الحلال
الدقاق مع الجلال كل شئ أبموضعه

ثم فيهن من تحلوى شرها يبلاك بلوى
لين بلحجة تعلوا في ثياب مطوعه.))

تعطيها سدك وأنت كتم السد ودك
تصبح الهرجه بضدك فالنداه أمصلعه

ثم فيهن من تحبك وأقشر ماتشوف جبك
وألحمتها لو تسبك في جسدك أمربعه

أن تكلمت أفضحتك وأن تغاظيت.؟أجرمتك
ون تساكت نتفتك نتف ريش القوبعه

بع أقاصيها بداني زدتها والعمر فاني
لاتحط أبها مثاني سو بيع أمقلفعه

ثم فيهن قشمريه صايبه ومجادعيه
عند ضحكات الثنيه من يجيها تلقعه

السفيه إليا نظرها دايمن يلهث بثرها
وأن بغاها ماقدرها بس يلهث مدلعه

مايطيع أهل النصيحه لو لبس ثوب الفضيحه
ولا أعظاه أبمستريحه والعيون مولعه

والذهين إليا عرفها كف روجه من ظرفها
جاز منه ماخرفها لو تكون أمهينعه

ثم فيهن من وثيق سدها سد(ن) غريق
مالنا شدها الطريق قولها ماتطلعه

سدها مثل الأمانة عند رجال(ن) تكانه
مايهوجس بالخيانه رابح(ن) من ودعه

ياعيالي جعلكم يبعث أسمي فعلكم
النصاح أطيب لكم والردا به خرفعه

أمنوا ترى النيه مثل ماقالوا مطيه
لاتصير أبكم رديه في محول أو زلوعه

الضعيف إليا نصاكم لاتشحون بعطاكم
في رجا الله ثم رجاكم كل ماجا أقنعه

والعطا ماهوى بالله كوبتن كثرة وقلة
ضايع(ن) راعيه ضله ضاع والله ضيعه

أفهموا قول المجرب مابغا وثت(ن)يطرب
باقي الدنيا تخرب ماحدن تصفي معه

وألزم ماعلى الصبي طاعته والمذهبي
والصلاة على النبي والأمور أمشمعه