الحبيب المهاجر. لـ سلطان بن نواف الوسوس

الحبيب المهاجر - سلطان بن نواف الوسوس

ودعتك الله يالحبيب المهاجر
الله يسهل خطوتك وين ما تروح

وداعك اقسى من طعون الخناجر
ياللي على وداعك بغت تطلع الروح

صدك عذاب القلب دمع المحاجر
الله يعين القلب .. لاصار مجروح

في بٌعدك .. الدنيا ليالً دياجر
تغيب شمس وينجلي بعيني الضوح

احاول انسى ذكرياتك واهاجر
وابعد عن الهوجاس والضيق والبوح

ويردني لحلام الاطياف ساجر
والشوق حره بالصدر دايم يفوح

والكلمه اللي واقفه .. بالحناجر
عن عزتي رديتها قبل لا تروح

مادام في نفسي عن الذل زاجر
يبقى الجبل ثابت ولو كان مجروح

والله يحفظك يالحبيب المهاجر
من وين ماوجهت و ل وين ماتروح

سلطان بن نواف الوسوس

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.