حبك رماني رميت امقيط لرشاه
قطع وصال الحب واخلف جناحي
لاشفت عينك طاح جسمي ولقواه
الموت طرفك فيه سمن ذحاحي
ودي اذوق من الثغر لذة اشفاه
طعمه مثل توتن على الروح ساحي
موتي بضمك واكثر الخلق مبغاه
انت الوحيد اللي عليه ارتياحي
مبلي بحبه جد ويازين بلواه
الهم جاني بالسيوف الذباحي
ياجعل مفقد زول حبه ومغلاه
قلبه حشاي ومسكنه والبراحي
قربك شفاي وطب همي وطرياه
واحس في موتي وانا كنت صاحي
اعاهد اني بالهواء اموت لرضاه
وافني حياتي لو بقيت بجراحي
شاعرك غنا فيك شعره وقفاه
بطيب حروفن نقها لك ملاحي
الله يخلي من على الحسن رباه
ياللي غنين عن كلامي ومداحي
قلبي رهيفن وانت ستره مع اغطاه
لتخلي العذال تسمع نواحي
يابو عيونن كنها الصقر محلاه
تذبح عيونك دون طعن وسلاحي
لقبلت يمي خفف المشي وخطاه
مفتن حلاك مشيده بالرماحي
صدرك لي اقبل كنه الموج وعداه
والخصر كنه جذع وردن فواحي
والله لولا العيب والسلم ياذاه
اني لقول اشياء ماهي مباحي
اخاف من عين المحاسيد تبلاه
واصبح بعد عينه دفين بضراحي
يالله ياللي خالق الزين وزهاه
تحمي عشيقي من عيونن شحاحي
واخر قصيدي بسمك انطقت يالله
يبقى معي عمره وعيش ارتياحي
ويبقى غلاه بكل صبحي وممساه
ويلفي علي من الغلا والمزاحي
ويجعل مفقد زول حبه ومغلاه
قلبه حشاي ومسكنه والبراحي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.