لي ثلاث أيام مالي وجود ولا حضور
خاطري شاين وجافيت .. لذة مرقدي
يا غريب الوقت دوار ، والدنيا تدور
والبنادم في مسار / المقادير مهدي
القدر مكتوب والمسلم المؤمن صبور
لو عليه من ( المقادير ليلٍ سرمدي )
آه يابعض المقادير ( ليلٍ دون ، نور )
تحْزن الطيب و يفرح بها القلب الردي
الضعوف اللي تدور على الطيب قصور
ألهجوا ب الألسنه ، خلوا العلم أرعدي
بشروا ..حيانكم .. يا محرفه الأمور
ياعسى حبل التباشير عنكم .. يعقدي
يا غريب انا اشهد اني من الضيق معمور
اجهدي وانا اتململ على الصبر ، اجهدي
امتلى صدري من الضيق وكبار الشعور
الشعور اللي تراجد .. و خلاني أرجدي
فاقدن لي ( محزمٍ ف الشدايد ما يبور )
اتعزوابه ، وأعانق به ( عنان الجدي )
واضرب بسيفه وانا ممتلي ( كبر وغرور )
انطقي يا وقفتي ، واشهدي له ( يا يدي )
ذاك ( أبو ثامر ) عسى مايجافيه السرور
تنتهي عنده علومي .. و ترجع / تبتدي
اشهد انه دون ربعه عن الشدات سور
الملاذ اللي عليه الهقاوي .. تسندي
من نصاه ب لازمه حط له رخصه عبور
نوم عينك لا نصيته و تبغى المنجدي
والله اني فدوته وادري اني في قصور
وان قصرت افداه ياجعل يفداه أولدي
مير انا وش حيلتي عن صواديف الشرور
ليتهم عمّا .. جراله يحطوني ( فدي )
كل مابي ( فدوته ) عن غياهيب الدهور
ابك اخوي اخوي ( لذّة زماني وأسعدي )
غيبوه .. وسكروا .. دونه أبواب الظهور
وكبروا موضوعه وزادوا ( الديم أبردي )
ليتهم عرفوا وقاره ب خافية .. الصدور
كان ما والله تجرّوا وهاشوا .. ب العدي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.