سلام الله على عيد ابن مالح مكرم الضيفان
وعلى ربعن عوايدهم علوم الطيب تلقاها
جمعنا من بعيد ومن قريب وشرع الديوان
وقف وقفة شجاعن قدم ربعه واكرم إلحاها
كريمن والكريم الله بفعله والكريم امعان
ليا منه رفع زنده تجيه الدلو بملاها
يجود الجود من مد الكريم ويرجح الميزان
على الجيران مثل الغيث والزلات يرفاها
ابمدح عيد اخو صيته وابمدح مثله بليهان
وابن تركي محمد راعي البلها ويزهاها
ابو يوسف طويل اذراع ماشن سكت الجدان
وعناتيت الرجال اللي توسع صدر من جاها
دريويشن لهم هيبه وتاريخن مع الفرسان
قواطيعن وعصمان الشوارب ماتهقواها
ليا ثارت مقابيس البلا صالو على الميدان
على صفر المهار اللي حليب الشول غذاها
مثل غالي وصالح والنفيخ ونذكر مليحان
زحازيح الرجال اللي تزبن كل من جاها
بدون اقصور في كل القبايل فيهم الشجعان
وكلن دون حقه ليا اخطة الرجلين مجراها
وانا في ديرة مريبد سقاها الهاتف الودان
وجعل غر المزون الساريه تسقيه من ماها
نشا في حكمت القادر اقنوفه كنها الضلعان
تفتح له سموع الارض والهمدانه احياها
تزين الارض عقبه بالنبات وتخضر الوديان
عسى خيره يعم المملكه والرب يحماها
وابختمها بذكر الله واهو ربي رفيع الشان
قصيده قالها القعمر على الماجوب واهداها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.