انا لي حبيبه حبها ساكن الوجدان
عظيمه جمال ودايم الدوم دلوعه
لها في خفوقي حب ماياصله انسان
وغرامً تسلطن ثومه القلب وفروعه
وعليها جمالاً جنن الصين واليابان
يبا يصنعون بزينها بنت مصنوعه
وعليها عيونً تسلب العقل والابدان
تثير البشر وتخلي الغيد مقلوعه
ولها نظرهً تطرح كما نظره الحوران
تخاتل بها من ساير الخلق مجموعه
وهذا زينها اللي كنه اللول والمرجان
هذا والله اللي نادراً في البني نوعه
جمالاً حقيقي خلو الكذب والبهتان
ماهو صنعه المكياج بل فايق الروعه
هذا زينها اللي يقهر الغيد في الميدان
لا طبت تخلي مجمل الغيد مصروعه
تطيح له من روس الرجاجيل والنسوان
يبون الرضا من زينه العذب وطبوعه
زعيمه جمال وماخذه قلب ابن قحطان
لها سطوهً في داخل الروح موجوعه
جمالاً رفعه الله عن العيب والنقصان
سوات القمر واضح مع العالم سطوعه
ليا جيت تمشي قدم الاعيان يا سلمان
تصير البني من هيبه البنت مفجوعه
ومن كان يبغى للحلا ياعرب عنوان
حلاها يبي له الف صفحه وموسوعه
تفرق قلوب اخوان وتجمع العدوان
حبال المواصل تالي الوقت مقطوعه
ولو كان يبغاها شجاعً من الشجعان
بياصلّها لا من وصل فمه لكوعه
ابطوع على ذالزين من اجزل القيفان
يالين الشعر يعلن لمحبوبتي طوعه
والى سولفت لي اترك الشعر والالحان
دلع صوتها خل المعاليق مفزوعه
تسولف علي بصوتها الهادي الفتان
وصدري على زين الحكى تخلف ضلوعه
يالبيه يا صوتً يردد ورى الاذان
نسيت الاذان ونبره الزين مرفوعه
سواليفها بلسم على الخافق الوجعان
ليا من حكت لي عن سواليف ممنوعه
هنا بختم القصه وانا الغاوي الولهان
على جسمك اللي يلبس الجوخ ودروعه
الا ليت والله من يبادلك بالاحضان
يضمك وياخذ من شفايفك قرطوعه
الشاعر مسعود القحطاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.