صبرك على نفسك معزه ونوماس وصبرك على غيرك لنفسك ظليمه. لـ عبدالمجيد سعد الرشيدي

صبرك على نفسك معزه ونوماس

وصبرك على غيرك لنفسك ظليمه

اصبر ولكن خلك أنسان حساس

صبرك لا ياصل بك حدودٍ وخيمه

صبرن تجامل به ترا مصدرافلاس

لا تعطي اصغار المواضيع قيمه

بعض المواقف تعتبر مالها ساس

وبعض المواقف مالهاايات قيمه

وبعض المواقف بين الاجواد تنقاس

مواقف ن تبقى معك مستديمه

واحرص على موقف تساعد به الناس

موقف مشرف لك ترا اكبر غنيمه

والطيب عز وكاسب الطيب نبراس

والصمت حكمه للعقول الحكيمه

والصدق هيبه والشرف يرفع الراس

والعز عز اهل الفعول العظيمه

واهل الردى اللي بالمواقيف تحتاس

تقلط على كذب ونفاق ونميمه

وأعلم بآن الناس بالناس تنقاس

لاتصاحب إلا اهل القلوب السليمه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

إضافة تعليق

لإضافة تعليق تستطيع إستخدام عضويتك في موقع الشعر او احد مواقع التواصل الإجتماعي

افلحت وصح بدنك كلك ذوق ومنبعك يابوعبدالرحمن

ما شاء الله ،، صح لسانك وعلا شانك ،، كلام جميل ونصح مفيد ! يسعدك ربي ويحفظك !