المشاعر. لـ شافي السبيعي

المشاعر - شافي السبيعي

المشاعر..
كيف تسأل؟؟
وانت ادرى بالمشاعر..
المشاعر واضحه كل الوضوح
ما ابي اكثر اوضح ..
ملت عيوني تبوح
شف عيوني
وانت تدري وش كثر
فيها غلاك.؟؟
ومن غلاك..
كنت خايف..حيل خايف!!
تدري وش فيني يخاف؟؟
تدري وش منه اخاف؟؟
خوفي من عيني تطيح..
مع دموعي!!
وكان خوفي
تنزل الدمعه هلاك....
تكسر غلاك!
كيف تسأل..؟؟
وش تبي اكثر اوضح؟؟
وش تبي عنه ابوح؟؟
وانت ادرى وش كثر..
يسكن بقلبي..غلاك
شف حياتي!!
انكسر فيها الطموح!!
وحتى( صوتي )؟
اذكر انه كان يصرخ..
لاتروح..
لاتروح...
لاتروح....
للاسف جاوبني( الصدى )
شايلن بعض الجروح !!!
كيف تسأل..؟؟
وش تبي اكثر اوضح؟
وش تبي عنه ابوح؟
وانا ادري..ايه ادري!!!
انت ماهمك جنوني
ولا تهمك ..
لا هموم ..لا جروح..!
وادري ودك وش هو اخر
ماكتبته بالمشاعر..؟
من عيوني..
خذ قصيده..
حطمت الفين شاعر!!
محتفظ فيها..سنين
وتختصرها ..كلمتين؟؟
(المشاعر..انتهت باحساس شاعر)

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.