من هجوس ٍ تلحق البيت ببيوت ٍ جزال
يا سلام الله على الشعر بالوقت الأخير
في بيوت الشعر حنا لنا مضرب مثال
لا احتدم جمع القوافي و إذا صاح النذير
المواقف حاضره لرجال بن الرجال
المبادي ثابته لو يصير اللي يصير
ما كسبنا غير نعم ٍ على روس الجبال
و الجبل لو هبت الريح ثابت ما يطير !
والحمل من يرتكي له ومن للحمل شال؟
غير رجال ٍ يسوق المطية و البعير
النعم بالكايدة صعب يعيال الحلال
و ما ظفر بالكايده غير رجال ٍ خبير
المراجل بالمواقف تراها راس مال
عند من هو يفرق العلم باليوم الكبير
و من ربا في عزة النفس عايش لا يزال
لو يحوشة ضيم الايام و اليوم العسير !
و من ربا في جمع الاموال بجنيه و ريال
ميتٍ لو عاش يجمع من المال الكثير
القناعة كنز و الفهم يغني عن سؤال
و السؤال أحيان يبصر به الفكر الضرير
الحياة دروب و دروس فيها الأحتمال؟
و البشر فيها و فيها و خلق الله كثير
و الكريم اللي بحسن التعامل و القبال
لو يقلط تمرةٍ من سمن و ألا مضير
الكريم معان يبقى على طول الليال
و الردي شبره مع الطيب لو يطول قصير
حسب نهج الدين و الحق و كرام السبال
أن بغيت العز عند الله الفرد القدير
بالتهجد أخر الليل أطلب ثم تنال
بأمر رب الكون سبحانة الحي البصير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.