ياسلامي على جملة اهل العيون
مع سلامي الحجه لمن صانها
ياسلامي على اللي يعرف الركون
والمساجد عرف فتح بيبانها
والتحيه على اللي يحسن الظنون
من اديبٍ اقفوله ضبط وزنها
عقّب اللي يقولون ما يفعلون
والمهابيل ما شانك و شانها
العيون اهلها فاللقا ينطحون
والتواريخ تنطق بعلمانها
بالعقل والشرف والشعر والفنون
والاسم والرسم راس عنوانها
عند حل الرضا كل شيٍ يهون
والنفوس الخبيثه نزل شانها
وانت يا وارد العد كب الشنون
ارد برجال و سلاح بايمانها
ياهل الطيب فالطيب للطيبون
والذبايح تعلق بكرعانها
والذهب لا خزنتوه تبتربحون
والمعادن على قدر وجدانها
يوم بعض العرب غشم ما يفهمون
والفتن حركوا راس شيطانها
وين ربي عن الخاين اللي يخون
والامانات ما ربح من خانها
مايصير العقل ضد هو و الجنون
والعقايب على راس فنانها
شاري الدون بالدون راح امغبون
والدلايل على الخيل و اثمانها
الردي للردي فالاكل و السكون
وكْل اطيورٍ توقع على اخوانها
ماتعورك عضة ردي السنون
والعشر ما يفاخر ابعيدانها
ياهل الحق بالحق ما تنطقون
والظلاله ترا تكثر اعوانها
ربعنا لو يروحون يبيرجعون
والحصن لو تصاقل بميدانها
الشاعر/سعود بن عبدالعزيز الكويتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.