قصـيدة الــدنـيـا - سعود بن عبدالعزيز الزيد
آه من نفسٍ لها شف و مراموآه من عينٍ محاربها المناموآه من قلبٍ يهب به النسيموآه من حالٍ نحل وازى عدامآه من نفسٍ سعت لي بالفجوعوآه من عينٍ تهذرف بالدموعوآه من قلبٍ من ضلوعي يزوعزرع طيرٍ صف باجناحه وحامآه من نفسٍ لها عزٍ تشوموآه من طرفٍ من النوم محروموآه من قلبٍ تبلته الهمومساكنين فيه بانين الخيامآه من دهوى دهيت بلا دليلآه من حملً علي رزنٍ ثقيلآه من غلٍ بعد زاد الغليلدهيةٍ مادريت هي حلم ولا علامآه من دعوى جرت لي في مضيقآه من انسٍ عرض لي بالطريقآه مدري هو عدو ولا صديقما نشدته وهو ما افضى لي كلامآه باللي صابني ماحدٍ درىآه من عينٍ محاربها الكرىآه سمعوا ياملا باللي جرىقصتي ويا لهيث من الهوامآه ل (لين) يجيني واطردهآه يقفي مادريت اش مقصدهآه ذا المره ايلا جا ينشدهوش يبي يومه يواتيني دواميوم جا ليلٍ لعله ما يعودفي مكانٍ به معي ناسٍ شهودخصني لي قال اقعد ياسعودلاتنام النوم يلحقك الملامقلت له ياللي تصوت وش تقولمن سعود اللي تدوره يا مهبولامش عطني حجتي ترني زعولوان كذبت اخذت راسك بالحسامقال انا فان كان تنشدني وكادحجتي جيتك ادورك بالعنادمعتبي لك يالكويتي بالطرادوخذ عن نفسك وناطحني تمامقلت له ويش انت ياللي فيك شرانت انس او جان او انثى او ذكرعقب هذا صخ ساعه و افتكرقال انا انثى وجيتك بازدحامقلت يا انثى وش اسمك وش تبينولي اثنى ماجرعك ما تستحين(المره) في شرعنا يا المسلمينما تطاول مع رجاجيل بكلامقالت انت عرفتني وقلت هاقالت انا ام البرايا كلهااسمي الدنيا اذا انت تعرفهاواحتذر مادمت في فرق السلامقلت يالدنيا فنا منّك بجوزباتشيّم منك يوم انك عجوزاذلفي ياللي شبيهك مرت روزفي ظهرها لا مشت مثل السنامقالت الا خفت مني يالذليلاي وانا بقعا معي سيفٍ صقيلكم خليلٍ به فرقته من خليلاضربه و اصرم معاليقه صرامقلت يا بقعا فانا ماني بذالما اذل ولابتي صملة ارجالمب نجيك ونب نكتفك بالحبالونحذف بك في قعر بيرٍ هيامقالت انت ولابتك مانتوا بشيما تعشوني وانا جويعه اعشيخص لامن هبي لي ولمٍ عشيكلكم الهمكم في بطني لهامقلت يا بقعا فانا جيتك نصوحابغي المخلاص منك و السموحعلميني ويش ظنك قبل اروحاتثق منك بعهدٍ والتزامقالت ان كانك تظن بظن طيباتمرحب لك وحطك لي صحيبحد حاضر والزعل عندي قريبصحبتك لو طاولت عامٍ و عامقلت يا بقعا اثر مافيك خيراه يا من ظن ابك ظنٍ غزيرمير ابرسل للملا منك نذيرمن يحط ابك الفخر يكسب اثامما يفاخر فيك يا بقعا نكورالفخر فالاخره دار السرورمن بغى الجنه وزواجٍ بحوريزهدك يومك ماردك للعدامقالت انا اعلا ولا يعلا عليّهوحاصلٍ لي شف بالي والبغيهكلكم يا خلق ربي لي رعيهاعفج في سمانكم ويا الهلامقلت يابقعا لعلك للحريمهتاكلين وتنكرين اسمك وهيمهما رأيت أحدٍ تخلينه حشيمهلا رعاك الله يا بنت الحرامقالت انا يالكويتي مستقرهوجملة افعالي على العالم مضرهوبا نذرك لاتقول انا جيتك بغرهما خذو عقب النذير الاّ الهتامقلت يابقعا اقطعي يا لعينهلانجيك بجملة سيوفٍ سنينهان بغيتي صلحنا ما تدركينهنادع ضلوعك بحسّمنا اثرامقالت افهم في كلامي يالكويتيقلت هرجي ياللعينه وش بغيتيقالت اذعن لي وقلت اخسي خسيتيانتي وحيده وحن دولة نظاماقطعي اثريك يابقعا غريرهانتي وحيده وقيماني كثيرهقالت اجعلكم لحالي بعثريرهلو تجوني كنكم عمد التهامقلت يا قشرا الحلايا و المروّهما نحيلك كود لاجينا بقوهكل منا شاعقٍ مشعال ضوهنحرقك من حد راسك للبهامقالت الا انا بشور الكم بشورقلت وش شورك وشرك في قصورقالت اخذكم غصب قوّه وزورمالكم مني مطارٍ و انهزاموقمت انا مغتاظ وازهم فالطناياوافزعوا لي لابتي اهل الحماياوالهواجر و الخوالد لي عناياوالدواسر وقحطان وصلي ياموافزعوا اهل الحسا و اهل القطيفوالخليقه بالقوي و بالضعيفماتبقى لاشريف ولا طريفمن درى جاب اتفقه هي و الحزاموافزعوا شمر وزعبٍ و المطيروالعوازم والعتيبه و الظفيرماتبقى لاصغير ولا كبيرمن بدونا والحضر قاصي وعاموافزعوا اخوان مريم الصباحمستعدينٍ لبقعا بالكفاحبالحلال وبالرجال وبالسلاحقد لهم عادات في وقت الزحاموجاك بن ثاني بدولة هل قطرفي ولايته البدو ويا الحضرفالملاقي مايهابون الخطرونعم بال ثاني سريعين المقامومن ديار عمان هي وابوظبيفي فزعهم كل رجال وصبيوشعب امارات الخليج العربييسهجون من براعتهم اشماموالكفر جانا بهم طارش بليلحد بطياره واحد فوق ريلوالعجم جونا على جيشٍ وخيلوالهنود وماجرى مصرٍ وشاماقبلوا هل شرق هم وهل الشمالثم جاتني قالت ان قومك اقلالقلت ذولا نصف يامال الهبالابشري بالشر من كثر العلاميانديمي فوق شعفٍ من هبوبمايبي زادٍ ولا يطعم شروبسر عليه وهات مالم الجنوبمع هل القبله وعجّل والهماميانديبي لا تذل ولا تهابانص ابوتركي وخبْره بالجوابقل ترى بقعا نوتنا بالحرابوانت ضد اللي عصا و انت الكعامطارشي رح له وقل يا نديببالجواب الحسن والنطق اللبيبزابنك ياشيخنا سقم الحريبيا امام الدين واسراج الظلامطارشي روّح وجاني بالردودوقال انا بالعلم خبّرت السعودابهل العوجا بها نعم الجنودواردين الخايبه ورد الحياموجاك ابوتركي وقيمانه جميعشيخنا اللي لا عزم رايه رفيعمن عصى غيره فله لازم يطيععادة القاسي يليّنه الاماميوم جانا في ولاته كل بديدهواجتمعنا كلنا يم الجديدهقلت يا بقعا دهاك الله وحيدهقالت وحيده وانتم لي طعامقلت يا بقعا حشا ما تربحينجاك ابوتركي وربي له عوينحاكم لم الكفر و المسلمينمن مغيب الشمس لبحر الظلاميوم جيناها وهي جتنا تبينااعتزمنا واحتسبنا والتقيناحن جهمنا ابها وهي غارت عليناتطّحن والها زفيرٍ واحتطاموبعثرتنا لين خلتنا شتاتكل منا نار ما عنده ثباتما حصل من شرر بقعا نجاتنجنا ياللي دخيلك ما يضامنسألك يالله عنا يا كريمبالهدايه للصراط المستقيميا غني و ياغفور ويا رحيميا الهي يا عزيزٍ ذا انتقامتمت الدنيا و اخرها نقولذكر ربي عد ما زولٍ يزولوالصلاة والسلام على الرسولالنبي الهاشمي سيد الانامالشاعر/ سعود بن عبدالعزيز الكويتي
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.