مريت لي تومٍ على درب الامال
لون الألم يجثم على حلم وجهين
كل الجوارح جرّعت حرب الاغلال
ودمع الكلام امطار من نار جفنين
ليه الشقا يا اغلى نظر زان الاكحال
ليه العنا يعصف على جرح روحين
وتمر ساعاتٍ على الماقف طوال
عمر الغلا ما كان هرجٍ وتزيين
عينٍ يهيج أمواجها إلحاح قتال
حنا خلقنا لبعضنا مثل عينين
عينين في راسٍ ولا غيره يقال
من قال فرقٍ بالغلا بين غالين
يا حرةٍ ما تملك البنت رجال
ولا الرجال يسوّمون النساوين
إن كان غلطاتٍ فلا يسلم الحال
والمسلمين يفرّقون الشياطين
من قال ظالم قلت لي رب الاجلال
عالم فلا يخفاه سرٍ على اثنين
انا طريقي مثل ضوءٍ على على جال
ماني كذا ولا كذا يا ضما العين
على السنع متربي ورابي أجيال
نرجيه سبحانه على فرضه يعين
والا البشر محدن بنافع ولا طال
يضر خلق الله مهبل ومسكين
ما عقب مظلومٍ شكا الضيم للوال
عن القهر والظلم بالحق تحصين
وانتم هلٍ لي دامني حسبة اعيال
عيالٍ لكم تربى على عدل قسمين
الزوج له قدرٍ عظيمٍ ومنزال
وانتي الفهيمه بالعوايد وتدرين
كانك تبينا نعيش في راحة البال
لا واحدٍ يشكي من الهجر والبين
اهلا هلا بك عد ما الغيث همّال
واعداد ما فار الغلا بالمحبين
واعداد ما تزهب علي جمره دلال
وإعداد ما طاف الهنا بين قلبين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.