_** الله من عينٍ.. تسْيل سيالي
تذرف غزير الدمّع على الخّد سكاب
مدري وش اللي صابني وش طرالي
قمت اتقلب كن قرصني الداب
**عز الله.. اني ذقت مر الليالي
وصادفت في الدنيا صعيبات وأصعاب
عز الله إن الجسم زاد أنتّحالي
وعز الله اني لغالي الكيف طلاب
أسهر مع إكهاب النّجوم التوالي
واشوف بان الشيب وانا بعد شاب
من وقت... لازمني ماعمرة صفالي
كل ماعدلت الحمل ولياه نكاب
وقلت ارتسي واثر الرسى للجبالي
سبحانه الله كون سهول وهضاب
وقلت اتفكر في زمان… مضالي
وأشوف ماقدمت باالكيل ونصاب
ولديت في الخّوه ولاهي… تزالي
والكل منّهم لدنانير... رقاب
** كل يدور له سحابٍ.… ظلالي
يطرق ورى البارق ولو كان كذاب
^ حتى الصديق اللي حسبته موالي
قصرت رشاي وقال خوتك تنعاب
** والصاحب اللي شايلة رأس مالي
من بعد خوتنّا قفل دوني الباب
هو ما درى إني ضاريا للثقالي
أصفق بيمنى ماحسّبت للتحساب
لآ… وهني اللي من الهّم سالي
مرتاح باله لايودي ولآ جاب
ولديت في طبعاً ورثه العيالي
إمورثينه إجدودنا أصل الأنساب
لقيت أنّا… أسلوم القبايل تزالي
والعيب يصبح شي ملفت وجذاب
ويابخت منهو… للمرجال ينالي
صيتّه تحدث عنه في كل الأطناب
ولديت في الدنيا ولاهي عجالي
هذا أنولد وهذا مودع بلأ إسباب
منّ… يحسب الدنيا مقر ونزالي
مسكين ناسي قبر حاسب وحسّاب
هذا… ممّر و أخره… لرحالي
ويوم القيامة قد ماجبت تنّثاب
بغيت ما قسّيت يصبح… مثالي
والعّبد… يأخذ به وله رب تواب
وصلاه ربي عّد كثّب الرمالي
على نبِيه… الشّفيع المقّراب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.