وعهد الله وبتحبك
وشوقها سارح في كل مكان
تقول كلمة تروح حفلة
وتقعد هي بتستني
رسالة منك او رنه
ما تنسى يا سيدي
بقي وعيشها
وانسي اللي كانت
واللي راحت بقي لحالها
وارحم نفسك بقي شويه
وركز فاللي بتحبك وتشبهلك
وده يومها بيحلى بوجودك
وضحكتها شمعة للخدين
و لمعه عيونها بتشوفك
حبيبها وكل ما ليها
صحيح من غير ما بتشوفك
تحس بقلبك وبوجودك
وبرده مطالعة عينك
ومجنونه وعناديه
وطيبة قلبها جنة
دي بتصونك وبتحبك
وحياه اغلى ما عندك
ركز معاها بقى شويه
وعهد الله دي بتحبك
امانة عليك لتصونها
وتحفظها وتحميها
وخبيها ودافيها
ده حضن عينك يكفيها
ولمس ايدك يواسيها
دي بتحبك وبتعزك
وتتمنى تكون جنبك
دي عش حبها جنه
مادام جنبك وفي قلبك
وفي حضنك وبين ضلعك
تروح نايمه تقوم امنه
ببسمتها وضحكتها
بترسمك هوا الجنة
وراح اقولها ومن تاني
وعهد الله دي بتحبك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.