المنوه

ياللي خذيتيني بغض الطرف .. في ليل النوا
ياسيدة قلب ٍ من الحرمان والغربه سقيم
ياموجعه منك ضما شفي .. ولاحوله روا
والقلب عقبك مايبله .. غير ! زمزم والحطيم
يكفي .. هجر ,, ياما تحملت وخفوقي ماقوا
وش ؟ ذنبي بدنياي .. ليه ؟ آآموت في واقع اليم
تايه لحالي في دروب الحزن واوهام الغوا
وحيد مالي غير ربي .. لارفيق ولانديم
صغير سن وشاب راسي .. والشقا ذيبه عوا
الشوف ! ماعاده قوي / والعقل ! ماعاده سليم
الحلم مات .. وما تحقق .. ضاع مني وانطوا
صار الزمن للحلم قبر وصار في قبره رميم
اجمع جزيئات المحبه وانشطارات الهوا
من اجل ! توضيح ؟ الفوارق . والتساوي يستقيم
واحلل افكاري .. ( بدقه ) ,, واعرف الداوا
لدواواستغفر الله واتعٌوذ والعن ابليس الرجيم
لك عاشق ٍ لا جا بيرقالك .. عثر فيك وهوا
ياطيف عابر ياجنان الروح ياخلد النعيم
العمر رايح ,, والبقا . للي على العرش استوا
والحمد واجب . والعطايا تنذكر . والله كريم
مالي عزا للقلب .. لامنا تفارقنا .. سوا
ذكرى المكان اللي التقينا فيه .. والجرح القديم
الكلمه .. اللي جات منك خاطري منها اكتوا
ان اشهد انها ( وقعٌت ) بالقلب .. جتني بالصميم
لاتحسبين البعد يذبح بس ؟ .. لا ! مالك لوا
الا هلاك ونار عرضٌني على رياح الجحيم
اشد من حزن الضرير اللي طريقه .. ماضوا
واحد من صوت الا لم لا اجتاح في .. ضحكة يتيم
ضميني بصدر ٍ على الآهات .. بلسم لا التوا
واليا انتهيتي ردي وضميني بظل وسديم
قولي : خبل او شكلي مسيكين .. ولا مارتوا
( يخوونني التفكير ) لحظه .. ولا انا ماني غشيم
ياويل حالي .. لاتلدين النظر كانه حوا
بالعنجهيه والعيون السود صارت لي غريم
لاسلهمت لي صرت : غادي مادرا وش: هو؟ .. نوا
في جاذبيتها خراب بيوت مع ليل ٍ عتيم
فديت تخديرك بعكش النعس .. واسلوب الهوا
بنجك يرد الروح (( يالمنوه))بقطرات ونسيم
ليت القدر ياغلى واعز الناس .. يجمعنا سوا
ولا يفرقنا ياكود ( الموت ) ونعيش ونهيم