يشدني غروٍ يرايش بعينه
يرسل علي بعيونه النجل كلمات
وانا رزين ومفرداتي رزينه
جاوبتهن في لحظةٍ ببتسامات
وقف يأشرلي بصابع يدينه
فيهن حركات الدلع فالبنيات
ومزارق النظرات بيني وبينه
ماكنها إلا مخاطب الذات للذات
رجعني لأيام الشقا والغبينه
من قبل 9 سنين قبل المعانات
يوم القلوب بحبها مستهينه
يغتاض منها كل عاذل وشمات
متقاربين وكل الاوضاع زينه
ولا حسبنا حساب فرقا ولوعات
لكن ظروف الوقت ماهي معينه
يوم الردي دايم يجي بالحيالات
الله يخيّب من نواياه شينه
اللي سعى من بيننا بالرديات
حل الفراق وفارقتنا السكينه
ودموعنا عقب العباير غزيرات
واللي خطا في حقنا مسامحينه
امراً كتبه الله واهو يعلم الآت
والعمر ماندرك مقافي سنينه
ماراح منه يروح مرواح الاموات
والقلب للماضي تزايد حنينه
يعيش في لذة على ماضيٍ فات
من كان مثلي جعل ربي يعينه
ياخذ عن اللي فات صده وسجات
ومن لا ذخر في تالي العمر دينه
كبرت عليه المشكله عشر مرات
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.