عداد براق ٍ يلوح سناه
ونو ٍ نثر فوق الخمايل ماه
يامرحبا ياحرب حرابة الدول
ياهل الشجاعه والكرم والجاه
تشهد لكم كل القبايل بطيبكم
طيب ٍ على طيب ٍ يفوح شذاه
ثلاث ماخبرفالعرب صارمثلهن
كار ٍ لحرب وصيتهايزهاه
ياكثرناس ٍودها تصعد العلا
ولاكل من هازالطويل رقاه
لكن حرب لياطرت معجزاتها
كل ٍ عدل سيله على منحاه
فعل ٍ لابن ناحل ينومس قبيلته
ماغيره احد ٍ فالملا سواه
عوّد بلياكسب من ديرة العدا
ويوم احتذاه المستحذي احذاه
من حر ماله قال ابشرك بالعطا
والفضل للي مايرد عطاه
وغداه للضيفان من شمخ الذراء
ومنهن ولوشح الزمان عشاه
ونويشي اللي وفيات خصايله
لومه تعدا الفرقدين نقاه
ذبح بني عمه ورمل حريمهم
نقا بوجهه والبياض غشاه
اللي ذبحهم في خويه على النقا
سته وسابعهم قطع يمناه
والمجد لدخيل البلالي وسيرته
مجد ٍ على الساس العزاز بناه
عنف على حكام حايل بحيلته
وخوي جنبه بالحياة فداه
ارخص بروحه وافتدى ورع جارته
خويه اللي ماشي ٍ ممشاه
هذا وانا مانيب ناس ٍ قبيلتي
اللي تعزالجاروتحماه
ذباحة الحايل ولطامة العدى
بيوم ٍعبوس ٍ تركبه قبواه
ربعي عتيبة مثل ماقيل بالمثل
كم شامخ ٍ عالي تهد حجاه
والله يحييكم على الرحب والسعه
فالمنزل اللي بين ٍ مبناه
ينصونه الضيفان والجاريدهله
وراعيه زين ٍ للجميع نباه
ميزة رفاعي ثابته ماتغيرت
مايلحقون الحاقدين مداه
ابو نجريعرف على الغيض والرضا
حازالمراجل والوقارحواه
للهرس مقدار ٍ مع الناس ماختفا
عسى رديين العزوم افداه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.