الا يالله ياعالم بما تخفي صدور الناس
الا ياعالم جهره وفي حاجات تخفيها
عليك الوذ وابوابك الهي مابها حراس
ولعبادك بسطت الارض واكثرت النعم فيها
وتنزل للسماء الاولى بوقتٍ فيه ثقل نعاس
وتسمع دعوة المؤمن ومن جودك تلبيها
انا في وجهك عن الهم وعن الضيم والوسواس
وتحميني من الدنيا ومن كثرت بلاويها
وحمدآ لك كثيرآ عد مابالكون بيع الماس
وعدد نجم السماء والغيم وانهار تجرّيها
وحمدآ لك إلهي عد مالشيبه بوسط الراس
براس عبادك الشيبان ولافي لحاويها
وعد البحر واسماكه وعد الموج والاجناس
عدد خلق البحور وموجها وايضا شواطيها
على الصحه وكل انعامك اللي مالها مقياس
يعجز العبد مايقدر يجمّعها ويحصيها
والا يالله انا بوجهك عن الضلاّم والانجاس
وعن ناس تبيع ذمامها ولا مباديها
وعن قوم تبيع النفس لو سيمة بصاع نحاس
وعن قوم تسوم النفس وبالهزلات تشريها
وتحميني من الغدره ومن فعلٍ مثل جساس
يحط الرمح بظهور الرجال ومايلاقيها
والا ياعالمٍ فيما تكنه لي صدور الناس
اعوذ بوجهك عن الناس واللي في محانيها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.