ياللي تبي علم النقى واسبابه
خذ لك من سلوم الجزال اشويّة
خَل الفكر يرشف شَهَد مشرابه
دام المشاعر في خفوقك حَيّة
أختر رفيقك من معه تتشابه
والمنتكس لاتتبعه موليّة
عقلك خصيمك والفكر يزهى به
وانت ومكانك لو تبي عاااااااااليّه
راع النقى تلقى الجميع احبابه
تلقى وصوفه للنقى ماريّة
واللي تدنّى خلك من اجنابه
جنّب لهب كيره و حااااااذر غيّه
عاكس دروبه وابتعد عن بابه
واحذر من الطيبة مع العفويّة
ومن دق باب النااااس دقّوا بابه
ومن يظمر السيّة يعيش ب سَيّة
والمنغوي ما يستره جلبابه
يتلاحقه غَيّة بسوء النيّة
أحذر تغرّك كشخته وثيابه
بحّك عن الجوهر ورى الطاقية
لن الرَجل ميزانه بأصحابه
ومن جالسك كلاً يقيسك زيّه
الطيب نادر والجزل شَبّابه
والعود الأزرق ريحته في كَيّه
أبحث عن الفاخر وكون اعجابه
واحرص تكون الوافي لوافيّه
زارق جليسك طيبته واطيابه
حاول تكون اللي سبَق غاليّه
جاكر سموّه وان سبقت ارقى به
وان هو سبق كن عونه و راعيّه
راعه و روفه واجزل بترحااابه
واصدق معاليّه وكن عاليّه
وان غاب عنّك لايطول غيابه
خل العلاقة بينكم روحيّة
دوّر وراه وللغياب مّجابه
خلك لطرّاد السموّ وخَيّه
لن الرجال بشكلها تتشااااااااابه
والفرق بالمعدن مع التربيّة
ياللي تبي علم النقى واسبابه
خذ لك من سلوم الحياااة اشويّة
ماجد بن رتيق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.