لله اكبر يازمانٍ خايبه فيك الهقاوي
قول ب االله كيف تقصر مدة الكف النديه؟
خابت الهقوه وخابت دونها كل الرجاوي
يوم صار المال عزه للنفوس الي دنيه
يتبعون المصلحه لاجات في كل الحراوي
كل ابوهم للمصالح ك الخوي ويا خويه
ناكرين الطيب كله والردى ماله مداوي
ماله إعلاجٍ ولاله وصفةٍ ف الصيدليه
الحرار ارواحهم دون الشرف راحت فداوي
مايبيعون الكرامه والوفاء والمقدريه
كاسبين العز يومه ماتوزع بتساوي
يومها بالفعل كانت ف العصور الجاهليه
وعزتي للي يحده وقت مايرحم وياوي
يصفق الكفين ضايع بين شمس وبين فيه
كارب إحزامه وصابر لوتحدّته البلاوي
ماشكى للناس لون القلب به مليون كيه
جار وقته والزمن دوار لو ماله مخاوي
مثل مايعطيك ياخذ بس لوعاته قويه
وفزة!! البومه ترى ماهي كما الحر النداوي
والسيوف انواع وايضاً به سيوفٍ صيرميه
الجبل ثابت ولو في راسه السرحان عاوي
والحكي ماظنتي فاد العقول الي غبيه
الهلامه دايماً ماله سؤا كثر الحكاوي
يحسبنه بالحكي يملك قصور الفيصيله
قالها شاعر على درب الجزل سارح وضاوي
لاورد يارد قراح العّد من قاع وطميه
الشاعر نايف الرشيدي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.