اتلىء علومك

لـ نايف الرشيدي، 15/03/19 01:22:22 PM، في العتب والفراق

اتلىء علومك - نايف الرشيدي

ماعاد فيني صبر والشوق حراق.
باالله قولي وش جرى؟ (توجعيني)

جيتك بقلبً صادقِ مايبا افراق.
وافي معكّ ماظنك اب (تتركيني).

من سبتك دمعي على الخد دفاق.
ابكي واجر الااااااه معها (ونيني).

قولي علامك تجرحي قلب مشتاق؟
قولي دخيلك بس!! (لاتعذبيني).

الحب دايم يجعل القلب خفاق.
وانتي رحلتي دون (ماتعاتبيني).

وين العهود الي توثقّ اب ميثاق؟
الي قبل كم عام بينك (وبيني).

وين الوفاء وين العتب وين الاشواق؟
وين الغرام الي مضى (يحتريني)؟

يوم المحبه ساكنه وسط الاعماق.
وإحساسك الصادق معي (يحتويني).

قلبي معك ف الحب وافي ولاباق.
وشلون يقوى قلبك (وتجرحيني)؟

اهديت لك روحي وعمري لك انساق.
واخترتك (انتي) قبل (ماتعرفيني).

واليوم رحتى وانثنى بعدك الساق.
وحبك توفى فارقي (واعذريني).

ماعاد فيه للهواء عقبك اخلاق.
ولاعاد لي شفه فلا(تجادليني).

روحي ولو دمعى جرى بين الاحداق.
مافيه داعي ترجعي( تقتليني).

بصبر على فرقاك لو خاطري ضاق.
بصبر لوني قمت ابيح (كنيني).

ادعس على قلبً سبايبكّ منعاق.
وارجوك طيفك إحذري (لايجيني).

حتى لونّه صابني بعدك إرهاق.
روحي دخيلك بس (لاتناطريني).

جففتي اقلامي على بيض الاوراق.
واتلىء علومك جيتي (تودعيني).

الشاعر نايف الرشيدي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.