الليالي ليا من صكت الحاجبين
تفرق أهل المواقف عن .. دراويشها
كل خافي ليا جات الصمايل يبين
والليالي تعوّدنا .. تنابيشها
عد .. ياللي ليا من شان وقته يزين
مثل هداج لا وردهمعاطيشها
لا تحشّد على ما صار .. ماصار شين
لك علومن تنومسني شوابيشها
يانغيمش شمالٍ ما شنتني .. يمين
وأنت يمناك أمعوّدها مداغيشها
خابرك والليالي تفرك الراحتين
صاملٍ يومهاتربكمداهيشها
شاهر الطلع .. نادر هده وحر عين
أبلج الفعل لاأسوّدت خفافيشها
ضربتك في ثناديها من المخلبين
تهوي بروحها قبل إيهوى ريشها
يا نغيمش جعل يفداك أبن اللذين
يوم شح الموارد ما ورد جيشها
يا ولد مكعمين ومخزم المعتدين
لا أنتخت حرةٍ تستر عكاريشها
كل راسٍ بدون عظام يقدم فتين
لاتركز شعرها من نغاميشها
فالرخا عادة أطيشهم ثقيلٍ رزين
وفالوغاأثقلهم أول من عمد طيشها
ملحقين القصا .. وأمدلهين الزبين
وسمكم فالعصايبهج نقاريشها
أعتنزبك وأعدك مسند المنكبين
محزمٍ ذاخره لا أبعد مطاريشها
موقفك خابره لا جات ياذيب وين
يوم ذيب الرخاذيبٍ دخل حيشها
خل منهو سوات أمحنيات اليدين
كيف ما جاته الأيام بيعيشها
ما يمس الهقاوي غير حدٍ سنين
لا أشتبك في مساريها مغابيشها
وأنت عجفاك عندي ياالسنافي سمين
نوّتكوبلها سابق مراهيشها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.