تسأليني منهو أنتي في حياتي ما دريتي
أنتي فرحة عمري اللي مت أنا أدور عليها
أنتي اللي من بديتي في حياتي مأنتهيتي
نعمة جتني من الله يا عسى الله يمد فيها
من عرفتك وأنتي أهلي.. وأنتي ناسي.. وأنتي بيتي
وأنتي أحساسي وصوتي ورغبتي وحاجة أبيها
وانتي أحلا من سكن هالقلب وأول من وفيتي
وأنتي أغلا من تجيني ساعة الشدة وأجيها
ينطفون الناس فعيوني الا منك ضويتي
كن ما فالكون غير عيونك أنتي وحاجبيها
كنك الصبح ورذاذ الما وغيثٍ لا عطيتي
ينبت النوير فكفوفي وتثمر راحتيها
وأنتي اللي تشرحين الصدر لا منك حكيتي
وللسوالف معك طعم الهيل يوم تبهريها
وأنتي اللي لا تمايل خيزرانك وأرتخيتي
مالت الدنيا وكيفك عدليها وميليها
والله أنك تقدرين والله أنك لو بغيتي
تحرقين أعصاب أعصابي قدرتي تحرقيها
لكن الله سخرك لي كل مأزعلتك رضيتي
الله لا يحرمني هالطيبه ويرحم والديها
كل هذا وتسأليني عن غلاتك ما دريتي
أنك الشمس اللي تضوي في عيوني وأحتريها
شفتي يوم الله يحبك قطك الله في كويتي
لا تولعله بحاجه غاليه يتعب عليها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.