عذرية العشق جيت استحلفك بالله
تبقين في داخلي لين الفظ انفاسي
انا بشر والمشاعر شبه محتله
واغلب فنون التمرد منطق افلاسي
عذرية العشق لي محبوب ما امله
يسري مع الدم ويصيطر على احساسي
اشتاق له كثر ما مد الشجر ظله
واكثر من حروفنا اللي بين الاقواسي
اشتاق له واعتبر عشقه من المله
وانا بدوي لاعشقت اجيك متواسي
واغير غيرة خليلٍ هام في خله
رغم ان عشاقه اكثر من شعر راسي
من سينه... الْهائه .. الْيا عالمه كله
اسطورةٍ طِرْزت... بعقود الالماسِ
ياسادة الحفل عندي شي ابا اوصلّه
قبل اطوي الليل من صفحات كراسي
وقبل المنادي يقول الصبح قم صله
وتنشدني الشمس عن ميعاد جلاسي
وقبل السّحُبْ تستبيح القاع وتبله
كل ما ارْعدت ذكريات.. وما فزع باسي
وافقد بعض جزئي اللي يحترق جله
يوم الموادع سرقني من نظر ناسي
هنا بياض القلوب وجا.. علي حِله
دليل قاطع وكنه حد الامواسي
في ليلةٍ تبري الاوجاع والعله
ليله.. لقا... هاض فيها كل هوجاسي
حنا العروبه وفينا النخوة اجبلّه
وقرناس مايكفخ.. الا.. بوه.. قرناسي
مفلح الثبيتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.